પાટણ: 1 કિલો સોનું-20 કિલો ચાંદીમાંથી બનેલા તાજિયા, આખું વર્ષ CCTV કેમેરાથી નજર રખાય છે

48 વર્ષ પહેલા બનાવાયા સોના-ચાંદીમાંથી તાજિયા
કાકોશી ગામની તાજિયા કમિટીના સભ્યએ જણાવ્યું કે, અમે સેંકડો વર્ષોથી તાજિયાનું જુલુસ કાઢી રહ્યા છીએ. અમે ઈમામ હુસૈનની યાદમાં માતમના રૂપમાં એમ માનીએ છીએ કે કર્બલાની લડાઈમાં ઈમામ હુસૈને શહીદ થયા હતા. આ તાજિયાની ખાસિયત એ છે કે, તેમાં લાકડું, એક્રેલિક ઉપરાંત સોના-ચાંદીનો પણ ઉપયોગ કરવામાં આવ્યો છે. તેને 48 વર્ષ પહેલા બનાવવામાં આવ્યા હતા એટલે તેમાં કઈ-કઈ ધાતુનો ઉપયોગ કરાયો છે તે જાણી શકાયું નથી. પરંતુ તેમાં 1થી 2 કિલો સોનુ અને 20થી 25 કિલો ચાંદીનો ઉપયોગ કરવામાં આવ્યો છે. તે સમયે આ તાજિયાનું વજન લગભગ 260 કિલો હતું પરંતુ સમય-સમય પર અમે થોડું વજન ઘટાડીને અત્યારે તેને 246 કિલોના કરી દીધા છે.

લોકો માનતા પૂરી થવા પર તાજિયાના વજનનો ચઢાવો ચડાવે છે
કાકોશી ગામમાં તાજીયા ને લઇ તમામ ધર્મોના લોકો આજના દિવસે માનતા રાખે છે અને માનતા પૂરી થવા પર તેના વજનના બરાબર ચઢાવો ચડાવે છે. વર્ષોથી આ મહોર્રમ પર્વને માતમના રૂપમાં મનાવાય છે, પરંતુ સોના-ચાંદીના તાજિયાની ચોરીની ઘટના ક્યારેય નથી બની અને તાજિયા બાદ તેને ઈમામ વાડામાં રાખવામાં આવે છે.