ચારિત્રની શંકા રાખીને પતિએ પોતાની કંડક્ટર પત્નીને બસમાં જ રહેંસી નાખી

પતિને પોતાની જ પત્નીના ચારિત્ર પર શંકા હતી
પ્રાથમિક તપાસમાં સામે આવ્યું કે, મૃતક અને હત્યારો બંન્ને પતિ પત્ની હતા. હત્યારા પતિએ પોતાની જ પત્નીના ચારિત્ર પર શંકા રાખીને તેની હત્યા કરી નાખી હતી. પતિએ પોતાની પત્ની ઓન ડ્યુટી હતી ત્યારે જ બસમાં તેનું ગળુ કાપીને હત્યા કરી નાખી હતી. તેનું ગળું કાપી નાખ્યું હતું. હત્યા કર્યા બાદ તે લાશની બાજુમાં જ બેસી ગયો હતો.

મહિલા લોહીલુહાણ હાલતમાં બસમાં મળી આવી હતી
મૃતક મહિલાનું નામ મંગુબેન રાઠવા હોવાનું સામે આવ્યું. જ્યારે હત્યારો પતિ અમૃત રાઠવા હોવાનું જાણવા મળ્યું છે. હાલ તો પોલીસે હત્યાનો ગુનો દાખલ કરીને તપાસ આદરી છે. હત્યારો એટલા જનુનમાં હતો કે આડેધડ ઘા માર્યા હતા. મહિલાના પગમાં, ગળામાં, પેટમાં અને ડાબા હાથની નસ કાપીને તેની કરપીણ હત્યા કરી નાખી હતી.