Surat News: પ્રેમીએ જ પ્રેમિકાની હત્યા કરી પોતે ગળાફાંસો ખાઇ યુવાને જીવન ટૂંકાવ્યું

પડોશીએ ઘટનાના મામલે પોલીસને જાણ કરી

આ કરૂણ ઘટના સુરતના ઉધના વિસ્તારમાં આવેલા સાઈ જલારામ નગર ખાતે બની છે. આ વિસ્તારમાં દોઢ મહિના પહેલાં જ રહેવા આવેલા 28 વર્ષીય વિજય ગોહિલ નામના યુવકે પોતાના ઘરમાં ગળે ફાંસો ખાઇને આપઘાત કરી દીધો.પડોશીને મળતા તેઓ આ ઘટનાના મામલે પોલીસને જાણ કરી હતી.

ઘટનાની જાણકારી મળતા પોલીસ તંત્ર દોડી આવ્યું હતું. પાસ કરતા યુવકનો મૃતદેહ લટકેલી હાલતમાં મળ્યો હતો. આ સાથે જ યુવકના પગ પાસે એક યુવતીની લાશ પણ મળી આવી હતી. પોલીસ તપાસમાં માહિતી મળી હતી કે આ મકાનમાં જે મૃતદેહ મળી આવ્યો છે તે યુવક દોઢ મહિના પહેલા જ પરિવાર સાથે રહેવા આવ્યો હતો. પરિવાર બહાર જતાં જ યુવાને પોતાની 18 વર્ષની પ્રેમિકાને ઘરે બોલાવી હતી. પ્રેમી યુગલ વચ્ચે કોઈ બાબતે માથાકૂટ થતા યુવકે યુવતીની હત્યા કરી નાંખી હતી. આ ઘટના બાદ તેણે પોતે પણ ગળે ફાંસો ખાઇ આપઘાત કરી દીધો હતો.