અમદાવાદમાં 4-5 કૂતરાનું ટોળું ઘોડિયામાં સૂતેલી બાળકીને ખેંચી ગયું, ધ્રુજી જવાય તેવી ઘટના VIDEOમાં કેદ

ઘોડિયામાં સૂતેલી બાળકીને કૂતરા ખેંચી ગયા
જુહાપુરા વિસ્તારમાં મકાનના કોટ પાસે છાયડામાં બાળકીનું ઘોડિયું બાંધીને શ્રમિક પરિવાર કામ કરી રહ્યો હતો. દરમિયાન ત્યાં અચાનક ચાર-પાંચ શ્વાન આવી ગયા અને ઘોડિયામાંથી બાળકીને ખેંચીને તેને બચવા ભરવા લાગે છે. આટલું જ નહીં બાળકને જમીન પર રગદોળે છે. જોકે ઘટના સમયે કોઈ ત્યાં હાજર હોતું નથી. એવામાં કૂતરાઓ બાળકીની ખેંચ તાણ પણ કરે છે.

બાળકીને લઈને દોડ્યા કૂતરા
બાદમાં સ્થાનિક વ્યક્તિની નજર પડતા તે પાછળ દોડે છે. શરૂઆતમાં તો કૂતરું બાળકને પકડીને દોડે છે. પરંતુ બાદમાં રસ્તા પર જ તેને છોડીને ત્યાંથી ભાગી જાય છે. બાળકી પર હુમલાની કંપાવનારી આખી ઘટના વીડિયોમાં કેદ થઈ ગઈ હતી. જે બાદ ઈજાગ્રસ્ત બાળકીને તાત્કાલિક સારવાર માટે હોસ્પિટલમાં ખસેડવામાં આવે છે. હાલમાં બાળકીની સ્થિતિ સારી હોવાનું કહેવાઈ રહ્યું છે. પરંતુ જે રીતે બાળકી પર હુમલો કરે છે તે ખૂબ જ ચોંકાવનારી ઘટના છે અને વાલીઓએ પોતાના બાળકને એકલા છોડતા પહેલા ખાસ સાવચેત રહેવું જોઈએ.