ભાજપ બાકીના 16 ઉમેદવારો કાલે જાહેર કરશે, તમામ 182 સીટો પર સ્થિતિ સ્પષ્ટ થશે

ભાજપ દ્વારા અત્યાર સુધીમાં 166 ઉમેદવારો જાહેર થઇ ચુક્યા છે
166 ઉમેદવારો જાહેર થઇ ચુક્યાં છે. હવે આજની બેઠક બાદ બાકી રહેલી 16 બેઠકો પર પણ આજે નામની જાહેરાત થઇ જશે. મોડી રાત્રે અધિકારીકયાદી પણ જાહેર થઇ જાય તેવી શક્યતાઓ વ્યક્ત કરવામાં આવી રહી છે. જેથી ભાજપ આજના દિવસમાં જ પોતાનું ચિત્ર સ્પષ્ટ કરી દેશે. કારણ કે કાલે પ્રથમ તબક્કાની ઉમેદવારી કરવાનો અંતિમ દિવસ છે. ત્યારે આજે દરેકે દરેક પાર્ટીએ પોતાની સ્થિતિ સ્પષ્ટ કરવી પડશે.

અમિત શાહના લોકસભા વિસ્તારનો સમાવેશ થતો હોવાથી અમિત શાહ ખાસ ધ્યાન રાખે છે
અત્રે ઉલ્લેખનીય છે કે, આ બાકી રહેલી બેઠકોમાં અમિત શાહના પોતાના લોકસભા વિસ્તારનો પણ સમાવેશ થતો હોવાથી અમિત શાહ પોતે તેમાં ખુબ જ બારીકાઇથી નજર રાખી રહ્યા છે. પોતાના લોકસભા વિસ્તારમાં એક પણ ઉમેદવાર પરાજિત થાય તે અમિત શાહને પોસાય તેમ નથી.

અનેક બેઠકો પર હજી પણ કોકડુ ગુંચવાયેલું છે
ગાંધીનગર ઉત્તરપરથી નીતિન પટેલ અથવા રીટા પટેલને ટિકિટ મળી શકે છે. મહેમદાબાદ પર અ્જૂનસિંહ, હિંમત નગર પર રાજેન્દ્રસિંહ પરમારને રિપિટ કરવામાં આવી શકે છે. માણસા પરથી અમિત ચૌધરી અથવા ડીડી પટેલને ટિકિટ મળી શકે છે. રાધનપુરમાં લવિંગજી ઠાકોર પણ રેસમાં છે. પાટણમાં રણછોડ રબારી અને કેસી પટેલનું નામ ચર્ચાઇ રહ્યું છે.