રાજકારણમાં નિવૃત્તિ મામલે સોનિયા ગાંધીનું નિવેદન, જાણો શું કહ્યું

અલકા લાંબાએ કહ્યું છે કે આ મુદ્દે તેમની સોનિયા ગાંધી સાથે વાત થઈ હતી. અલકાએ કહ્યું, ‘મેં તેમને મેડમની નિવૃત્તિ સંબંધિત સમાચાર મીડિયામાં આવી રહ્યા હતા તે વિશે જણાવ્યું, તેઓ હસી પડ્યા અને કહ્યું કે મેં ક્યારેય નિવૃત્તિ લીધી નથી અને ભવિષ્યમાં પણ નહીં.’

કાલે થઈ હતી નિવૃતિની ચર્ચા
સોનિયા ગાંધીનું આ નિવેદન એટલા માટે આવ્યું છે કારણ કે રાયપુરમાં તેમના ભાવુક ભાષણ પછી એવી અટકળો લગાવવામાં આવી રહી હતી કે સોનિયા હવે રાજકારણમાંથી સંન્યાસ લઈ શકે છે. તેમનું નિવેદન આ અટકળો પર પૂર્ણવિરામ મૂકવા માટે જ આવ્યું છે. હકીકતમાં છત્તીસગઢની રાજધાની રાયપુરમાં કોંગ્રેસનું 85મું અધિવેશન ચાલી રહ્યું છે. ત્યારે આ અધિવેશનમાં જ પાર્ટીના પૂર્વ અધ્યક્ષ સોનિયા ગાંધી ભાષણ આપતા ભાવુક થઈ ગયા હતા. કોંગ્રેસ અધ્યક્ષ તરીકેની તેમની યાત્રાનો ઉલ્લેખ કરતા સોનિયા ગાંધીએ તેમના સાથીદારોનો આભાર માન્યો હતો. આ દરમિયાન કોંગ્રેસ અધ્યક્ષ તરીકે સોનિયા ગાંધીની સફર અને પાર્ટીમાં તેમના યોગદાનને દર્શાવતો વીડિયો પણ ચલાવવામાં આવ્યો હતો.

સોનિયા ગાંધીએ આ વિડિયો પછી ભાવુક સંબોધન કરતાં કોંગ્રેસ અધ્યક્ષ તરીકેના તેમના કાર્યકાળ અને યુપીએ શાસન દરમિયાન જે વાતો કહી હતી તેના માટે સૌનો આભાર માન્યો હતો. તેમણે એમ પણ કહ્યું કે વર્ષ 1998માં કોંગ્રેસ અધ્યક્ષ પદ સંભાળ્યા બાદથી અત્યાર સુધીમાં 25 વર્ષમાં અમે મોટી સિદ્ધિઓ હાંસલ કરી છે. અને નિરાશાનો સમય પણ જોયો છે. સોનિયા ગાંધીએ મનમોહન સિંહના નેતૃત્વમાં 2004 અને 2009ની લોકસભા ચૂંટણીમાં જીતને મોટી ઉપલબ્ધિ ગણાવી હતી.

જાણો શું કહ્યું હતું સોનિયા ગાંધીએ
ભૂતપૂર્વ કોંગ્રેસ અધ્યક્ષે કહ્યું હતું કે મારા માટે સૌથી વધુ સંતોષ એ છે કે મારી ઇનિંગ્સ ભારત જોડો યાત્રા સાથે સમાપ્ત થઈ શકે છે, જે એક મહત્વપૂર્ણ તબક્કામાં આવી ગઈ છે. સોનિયા ગાંધીએ પણ રાહુલ ગાંધીની ભારત જોડો યાત્રાના વખાણ કર્યા હતા અને તેમને અભિનંદન આપ્યા હતા.

ગૂગલ પર સર્ચ કરવું પડ્યું ભારે: થઈ એક ભૂલ અને ખાતામાંથી 8.24 લાખ રૂપિયા ગાયબ, તમે પણ નથી કરતાને આ રીતે સર્ચ?

રાહુલ ગાંધીના કર્યા વખાણ
પોતાના સંબોધન દરમિયાન સોનિયા ગાંધીએ રાહુલ ગાંધી માટે કહ્યું હતું કે રાહુલ ગાંધીએ મુશ્કેલ સફર શક્ય બનાવી છે. તેમણે કાર્યકરોને કોંગ્રેસની તાકાત જણાવતા કહ્યું કે, પાર્ટી દેશના હિત માટે લડશે. સોનિયા ગાંધીએ અંગત હિતોને બાજુ પર રાખીને અનુશાસન સાથે કામ કરવાનો મંત્ર આપ્યો હતો. તેમણે એમ પણ કહ્યું કે મલ્લિકાર્જુન ખડગેના નેતૃત્વમાં અમે ચોક્કસપણે સફળ થઈશું.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…