ચંદનજી ઠાકોરનો આરોપ કહ્યું, મારો એડિટેડ વીડિયો વાયરલ કરાઇ રહ્યો છે

મુખ્યમંત્રીએ ચંદનજી ઠાકોરના શબ્દોને શરમજનક ગણાવ્યા હતા
મુખ્યમંત્રી પટેલે ચંદનજી ઠાકોરના શબ્દોને શરમજનક ગણાવ્યા હતા. તેમના પર પ્રહાર કરતા કહ્યું કે, કોંગ્રેસે હારના ડરથી લઘુમતી તૃષ્ટિકરણનો આશરો લે છે. જો કે આ અંગે ચંદનજી ઠાકોરનું સ્પષ્ટીકરણ હવે સામે આવ્યું છે. જેમાં તેમણે જણાવ્યું કે, આ વીડિયો ખોટો છે અને વિપક્ષ દ્વારા એડિટ કરવામાં આવ્યો છે. મુખ્યમંત્રીએ શેર કરેલો વીડિયો તદ્દન ખોટો છે. આ વીડિયો એડિટ કરીને મને રાજનીતિક રીતે બદનામ કરવાનું ષડયંત્ર છે.

ચંદનજી ઠાકોરે કહ્યું કે, મુખ્યમંત્રી કક્ષાની વ્યક્તિએ આવી હરકત ન કરવી જોઇએ
મુખ્યમંત્રી કક્ષાની વ્યક્તિ આવા ફેક વીડિયો ટ્વીટ કરવામાં આવે તે શરમજનક છે તેવો ચંદનજી ઠાકોરે આરોપ લગાવ્યો હતો. આ વીડિયો જ્યારે જિલ્લા પંચાયતની ચૂંટણી હતી ત્યારે લેવામાં આવ્યો હતો. આ જુનો વીડિયો વાયરલ કરીને મને બદનામ કરવામાં આવી રહ્યો છે. હાલ તો ચંદનજી ઠાકોરનો આ વીડિયો ખુબ જ વાયરલ થઇ રહ્યો છે. તેના કારણે તેમને નુકસાન પણ થઇ શકે છે.