ભરૂચમાં 79 વર્ષના ટ્રસ્ટીએ ક્લાસમાં વિદ્યાર્થીઓ સામે શિક્ષિકાને આંતરવસ્ત્રો ગિફ્ટમાં આપતા બબાલ થઈ ગઈ

શિક્ષિકાએ પોલીસમાં નોંધાવી ફરિયાદ
થોડા સમય બાદ શિક્ષિકાએ થેલી ખોલીને જોતા અંદર આંતરવસ્ત્રો મળી આવતા તે ડઘાઈ ગઈ હતી. શિક્ષિકા તરત જ પ્રિન્સિપાલની ઓફિસમાં પહોંચી અને સમગ્ર બાબત જણાવી હતી અને ટ્રસ્ટીને પણ ઠપકો આપ્યો હતો. આ ટ્રસ્ટીએ બદઈરાદાથી આંતરવસ્ત્રો ભેટમાં આપ્યા હોવાથી શિક્ષિકા ભરૂચ બી ડિવિઝન પોલીસ સ્ટેશન ખાતે દોડી ગઈ હતી અને છેડતીના આરોપ સાથે ફરિયાદ નોંધાવી હતી.

ધરપકડ બાદ જામીન પર છૂટ્યા ટ્રસ્ટી
ફરિયાદને પગલે પોલીસ દ્વારા વૃદ્ધ ટ્રસ્ટીની ધરપકડ કરવામાં આવી હતી, જોકે બાદમાં તેમને જામીન પર મુક્ત કરી દેવામાં આવ્યા હતા. ત્યારે શિક્ષાનું ધામ ગણાતી શાળામાં વિદ્યાર્થીઓ સામે જ ટ્રસ્ટી દ્વારા કરવામાં આવેલી આ વિચિત્ર હરકતનો કિસ્સો ભરૂચમાં ટોક ઓફ ધ ટાઉન બન્યો છે.