PM મોદી પણ હતા જેમના યૌગીક જ્ઞાનના ચાહક તેવા રાજશ્રી મુનિનું ”કાયાવહરોહણ”

અત્રે ઉલ્લેખનીય છે કે, વડાપ્રધાન મોદીએ પણ સમાચાર મળતાની સાથે જ ટ્વીટ કરીને ખેદ વ્યક્ત કર્યો હતો. વડાપ્રધાન મોદીએ ટ્વીટ કરતા લખ્યું કે, લકુલીશ પરંપરાના કુલગુરૂ સ્વામી રાજર્ષિ મુનીના બ્રહ્મલીન થયાના સમાચાર દુખદ છે. તેઓ વર્ષો સુધી યોગના સંવર્ધન માટે અને વિકાસ માટે કાર્ય કર્યું છે. સદ્ગતના આત્માની શાંતિ અર્થે અંતરમનથી પ્રાર્થના તથા શોકગ્રસ્ત અનુયાયીઓને સાંત્વના પાઠવું છું.

વર્ષ 2012 માં દેશની પ્રથમ યોગ યુનિવર્સિટીની રાજર્ષિ મુની દ્વારા સ્થાપના કરવામાં આવી હતી. જેનું ઉદ્ધાટન નરેન્દ્ર મોદી દ્વારા કરવામાં આવ્યું હતું. આજે કાલોલમાં મલાવ ખાતે સવારે 08.30 વાગ્યે રાજશ્રી મુનિના અંતિમ દર્શન કરી શકાશે. જો કે 11 વાગ્યા બાદ તેઓએ વડોદરા નજીક આવેલા કાયાવરોહણ ખાતે તેમના પાર્થિવ દેહને લઇ જવાશે. 31 ઓગસ્ટના રોજ સવારે 11 વાગ્યે રાજ રાજેશ્વર (જાખણ) ખાતે તેમના અંતિમ સંસ્કાર કરવામાં આવશે.

લકુલીશ મુનીના પ્રયાસોથી લાઇફ મિશન અંતર્ગત રશિયા, અમેરિકા, કેનેડા, તાઇવાન, ઇટાલી સહિત અનેક દેશોમાં યોગ સેન્ટર ચાલી રહ્યા છે. આ ઉપરાંત વિદેશથી પણ મોટી સંખ્યામાં વિદ્યાર્થીઓ લકુલીશ વિદ્યાલયમાં યોગની ડિગ્રી પ્રાપ્ત કરવા માટે આવે છે. હાલમાં યોગ ગુરૂ તરીકે અનેક દેશોમાં આ વિદ્યાલયના વિદ્યાર્થીઓ યોગની સુવાસ ફેલાવી રહ્યા છે.