રાજશ્રી મુનિના પાર્થિવ દેહના દર્શનાર્થે મોટી સંખ્યામાં અનુયાયીઓ હાજર રહ્યા

અંતિમ દર્શન કરવા અનુયાયીઓની ભીડ ઉમટી
લીંબડી તાલુકાના જાખણ ગામમાં સ્થિત રાજેશ્વર ધામમાં સવારે 11 વાગ્યે બ્રહ્મલીન સ્વામી રાજશ્રીની અંતિમ વિધિ કરાઈ હતી. તેમના અંતિમ દર્શન કરવા માટે દેશભરથી સંતો મહંતો, રાજકીય આગેવાનો સહિત મોટી સંખ્યામાં અનુયાયીઓ અહીં ઉપસ્થિત રહ્યા હતા. આ દરમિયાન તમામ અનુયાયીઓ ભાવુક થઈ ગયા હતા.

PM મોદીએ પણ ટ્વીટ કરી માહિતી આપી
અત્રે ઉલ્લેખનીય છે કે, વડાપ્રધાન મોદીએ પણ સમાચાર મળતાની સાથે જ ટ્વીટ કરીને ખેદ વ્યક્ત કર્યો હતો. વડાપ્રધાન મોદીએ ટ્વીટ કરતા લખ્યું કે, લકુલીશ પરંપરાના કુલગુરૂ સ્વામી રાજર્ષિ મુનીના બ્રહ્મલીન થયાના સમાચાર દુખદ છે. તેઓ વર્ષો સુધી યોગના સંવર્ધન માટે અને વિકાસ માટે કાર્ય કર્યું છે. સદ્ગતના આત્માની શાંતિ અર્થે અંતરમનથી પ્રાર્થના તથા શોકગ્રસ્ત અનુયાયીઓને સાંત્વના પાઠવું છું.

તાઈવાન ઈટાલી સહિત અનેક દેશમાં યોગ કેન્દ્ર ચાલે છે
લકુલીશ મુનીના પ્રયાસોથી લાઇફ મિશન અંતર્ગત રશિયા, અમેરિકા, કેનેડા, તાઇવાન, ઇટાલી સહિત અનેક દેશોમાં યોગ સેન્ટર ચાલી રહ્યા છે. આ ઉપરાંત વિદેશથી પણ મોટી સંખ્યામાં વિદ્યાર્થીઓ લકુલીશ વિદ્યાલયમાં યોગની ડિગ્રી પ્રાપ્ત કરવા માટે આવે છે. હાલમાં યોગ ગુરૂ તરીકે અનેક દેશોમાં આ વિદ્યાલયના વિદ્યાર્થીઓ યોગની સુવાસ ફેલાવી રહ્યા છે.

(વિથ ઈનપુટ: સાજીદ બેલિમ)