રાજકોટમાં માતાએ બે બાળકોની હત્યા બાદ એસિડ પીને જીવન ટૂંકાવ્યું, વીડિયો બનાવી પતિ પર કર્યા ગંભીર આક્ષેપ

3 વર્ષના દીકરા અને 3 માસની દીકરીને ટૂંપો આપી દીધો
વિગતો મુજબ, રાજકોટના આંબેડકરનગરમાં મનીષા પરમાર નામની મહિલાએ પોતાના 3 વર્ષના દીકરા અને 3 મહિનાની માસુમ દીકરીને ગળે ટૂંપો આપીને મોતને ઘાટ ઉતારી દીધા અને બાદમાં પોતે પણ જીવન ટૂંકાવી લીધું હતું. આપઘાત પહેલા મનીષાએ એક વીડિયો બનાવીને ફેસબુક પર અપલોડ કર્યો હતો. જેમાં તે આ માટે તેનો પતિ સાગર પરમાર જવાબદાર હોવાનું કહી રહી છે. સાથે જ પતિ અન્ય યુવતીઓ સાથે પણ સંબંધ રાખતો હોવાનો ઉલ્લેખ આ વીડિયોમાં કર્યો છે.

વીડિયો બનાવી પતિને જવાબદાર ગણાવ્યો
વીડિયોમાં મનીષા કહી રહી છે, હું મરી જઉં છું. આનો જવાબદાર મારો ઘરવાળો સાગર પરમાર છે. તે બધી છોકરીઓને મારીને આ રીતે હેરાન કરે છે અને પૈસા પડાવે છે. સાંઈબાબા ચોકમાં સરકારી દવાખાનામાં ઉપર રહે છે, તે જવાબદાર છે. હું મરી જાઉં છું અને મારા બે છોકરાને મારી નાખું છું. આના માટે મારા મમ્મી-પપ્પા કોઈ જવાબદાર નથી.