વધારે એક પેપર લેવાય તે પહેલા લીક થયું, યુવરાજસિંહે ટ્વીટ કરીને આપ્યા પુરાવા

ભાવનગર યુનિવર્સિટીનું ફાયનાન્સ અને એકાઉન્ટિંગનું પેપર લીક
ભાવનગરની મહારાજા કૃષ્ણકુમારસિંહજી ભાવનગર યુનિવર્સિટીની ફાયનાન્સ અને એકાઉન્ટ XII મેનેજમેન્ટ એકાઉન્ટ 2 નું પેપર હતું. આ પરીક્ષાનો સમય 3.30 થી 6.00 વાગ્યો હતો. જો કે પેપર 3.12 વાગ્યે જ વ્હોટ્સએપ પર વાયરલ થઇ ગયું હતું. આ અંગે ટ્વીટ કરીને યુવરાજસિંહે એક જાગૃત નાગરિક તરીકે પોતાની ફરજ બજાવી હતી. અત્રે ઉલ્લેખનીય છે કે, યુવરાજસિંહ આવા પેપર ફુટતા રહે છે અને તેનો પર્દાફાશ યુવરાજસિંહ વારંવાર ઉજાગર કરતા રહે છે. ફરી એકવાર આ પ્રકારનો ઘટસ્ફોટ યુવરાજસિંહે કર્યો છે.

હતું તે સમય ૩:૧૨ (પુરાવા સાથે)

પેપર ની અમે પુષ્ટિ કરેલ છે પેપર તે જ હતું જે કોલેજ માં પૂછાયું હતું, પરંતુ પેપર સૌપ્રથમ ક્યાં ઇરાદે અને કોના દ્વારા વાઇરલ થયું તેની સંપૂર્ણ માહિતી અમારા જોડે નથી.સરકાર દ્વારા જો એમાં સચોટ તપાસ થશે તો ચોક્કસ પણે ઘણા ચોંકાવનારા ખુલાસા થઈ શકે pic.twitter.com/1Sw31latqA

— Yuvrajsinh Jadeja (@YAJadeja) April 2, 2023

ભાવનગર યુનિવર્સિટી જેના નામે છે તે મહારાજનો આજે નિર્વાણ દિવસ
જો કે સરકાર દ્વારા કે ભાવનગર યુનિવર્સિટીના તંત્ર દ્વારા હજી સુધી કોઇ પણ પ્રકારની સ્પષ્ટતા કરવામાં આવી નથી. અત્રે ઉલ્લેખનીય છે કે, સંયોગ કહો કે જે કાંઇ પણ કહો પરંતુ આજે જેમના નામે યુનિવર્સિટી છે તેવા કૃષ્ણકુમાર સિંહજીનો આજે નિર્વાણ દિવસ છે. તેઓનું 52 વર્ષની ઉંમરે જ નિધન થયું હતું. જે ઉત્તમ ઉદ્દેશ્ય માટે આખી યુનિવર્સિટી બનાવી હતી.તેમાનું આજેઆ યુનિવર્સિટીમાં કાંઇ પણ નથી થઇ રહ્યું. જે પ્રકારનું રાજકારણ અને ભ્રષ્ટાચાર થઇ રહ્યો છે તે જોતા તેઓની આત્મા પણ આજે તડપતી હશે.