અરવલ્લી જિલ્લામાં આરોગ્ય વિભાગના કર્મચારી હડતાળ પર, અનેક લોકો મુશ્કેલીમાં

 રાજ્યમાં આરોગ્ય વિભાગના મેલ-ફિમેલ હેલ્થ વર્કર,તાલુકા અને જિલ્લા નિરીક્ષકો, સુપરવાઈઝર, શાળા આરોગ્ય નિરીક્ષકો આ હડતાળમાં પોતાની માગને લઈને જોડાયા છે.  જેને લઇને કેટલીક સેવાઓને તેની સીધી અસર પહોંચી છે. જેમ કે, MPHW દ્વારા કરવામાં આવતીઆરોગ્યલક્ષી કામગીરી, રસીકરણ, રોગચાળો અટકાવવાની કામગીરી, કુટુંબનિયોજનની કામગીરી, ઇમરજન્સી સેવાઓને સીધી અસર પહોંચી રહી છે. આ સાથે સુપરવાઈઝર દ્વારા કરવામાં આવતા નિરીક્ષકોના રીપોર્ટિંગની કામગીરી પણ ખોરવાઇ છે.  કોરોના રસીકરણ, અન્ય રસીકરણ કામગીરી અને શાળા આરોગ્યલક્ષી કામગીરીનું સુપરવિઝન જેવી કામગીરી પણ અટવાઈ છે. અરવલ્લી જિલ્લામાં પણ આરોગ્ય વિભાગના કર્મચારીઓ હડતાળમાં સહભાગી બન્યા છે. જેને લઈ આરોગ્ય વિભાગની કામગિરિ પર અસર પડી છે.  જિલ્લામાં ફરજ બજાવતા 500 જેટલા કર્મચારીઓ હડતાળમાં જોડાયા છે.  જોકે આ હડતાળ કેટલા સમયમાં સમેટાય છે તે કહી શકાય તેમ નથી. કોરોના મહામારી દરમિયાન દિવસ રાત જોયા વગર કામ કરનાર આરોગ્યવિભાગની માગ પૂર્ણ થશે કે અધ્ધરતાલ રહેશે તે જોવાનું રહ્યું.