બળજબરી પૂર્વક પૈસા લેનાર કિન્નરોના ગ્રુપ સામે પોલીસ એક્શન મોડ પર, જાણો શું છે પ્લાન

એક તરફ તહેવારોની મોસમ જામી છે ત્યારે તહેવારો પર શુકનના નામે કિન્નરો દ્વારા રૂપિયા પણ ઉઘરાવતા હોય છે. પરંતુ સ્થિતિ ત્યારે કથળે જ્યારે આવા 2 જૂથો વચ્ચે વિસ્તાર અને હદને લઈને અથડામણ થાય. પોલીસે આને ટાળવા માટે તખ્તો તૈયાર કરી દીધો છે. કિન્નરો સામે પગલાં લેવાનું પણ શરૂ કરી દીધું છે. ત્યારે આ મામલો પોલીસની શી ટીમ પણ એક્શન મોડમાં જોવા મળી રહી છે. શી ટીમની સાથે અન્ય પોલીસની ટીમને પણ તહેવાર દરમિયાન તૈનાત કરી દેવામાં આવી છે.

પોલીસ તંત્ર એક્શન મોડમાં
પોલીસ ડિપાર્ટમેન્ટે અગાઉ જે જે સ્થળોએ કિન્નરોના રૂપિયા ઉઘરાણી સહિતના કિસ્સા બન્યા હોય ત્યાં પોતાની ટીમ ઉતારી દીધી છે. અહીં પોલીસ બંદોબસ્ત એટલો ચુસ્ત કરી દેવાયો છે કે કોઈપણ પ્રકારની જો આવી ઘટના ઘટે તો એની સામે કડક કાર્યવાહી કરવામાં આવશે.

આ પણ વાંચો: વ્યાજખોરોનો આતંક યથાવત, રાજકોટમાં વ્યાજખોરોના ત્રાસથી વેપારીએ મોતને વ્હાલું કર્યું

રાજ્યભરમાં કિન્નરો વિવિધ પ્રસંગોને લઈ પૈસા ઉઘરાવવા પહોંચી જાય છે. ત્યારે લગ્ન હોય કે બાળકનો જન્મ કે પછી કોઈ અન્ય પ્રસંગ કિન્નરો આવી અને બળજબરી પૂર્વક ઉઘરાવતા જોવા મળી રહે છે. ત્યારે તહેવારોમાં આ પ્રમાણે રૂપિયાની ઉઘરાણી સમયે મોટી રકમ પણ મળતી આવે છે. ત્યારે કિન્નરોના આવા સમૂહો એકબીજા સાથે વિસ્તારના વિવાદને લઈને ઝઘડી પણ શકે છે. ત્યારે તહેવાર પર કોઈ અણબનાવ ન બને તે માટે અમદાવાદમાં પોલીસ તંત્ર એક્શન મોડપર જોવા મળી રહ્યું છે.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…