મહેસાણામાં બંધ આઈસર પાછળ ST બસ ઘુસી ગઈ, 1 મહિલાનું મોત, કંડક્ટર સહિત 2 લોકો ઈજાગ્રસ્ત

ભૂજ-ખેડબ્રહ્મા રૂટની બસનો અકસ્માત
વિગતો મુજબ, વસાઈ નજીક ભૂજથી ખેડબ્રહ્મા રૂટની બસ અચાનક આઈસરની પાછળ અથડાઈ હતી. જેમાં એક મહિલા મુસાફરનું કરુણ મોત નિપજ્યું હતું. તો બે લોકોને ઈજાઓ પહોંચી હતી. અકસ્માત એટલે ભયાનક હતો કે ટક્કર બાદ મુસાફરોને બહાર કાઢવા માટે બસના દરવાજાને કાપવો પડ્યો હતો. આ બાદ બસમાંથી મુસાફરોને બહાર કાઢવામાં આવ્યા હતા. બીજી તરફ આઈસરનો કેટલોક ભાગ બસની અંદર ઘુસી ગયો હતો.

અકસ્માત બાદ આસપાસમાંથી સ્થાનિકો દોડી આવ્યા હતા અને મુસાફરોને બહાર કાઢવા માટે પ્રયાસો શરૂ કર્યા હતા. અકસ્માત થવાનું કારણ હજુ સુધી જાણી શકાયું નથી.