‘AAP પાર્ટીના નેતાઓ ચૈતર વસાવાનો કોર્ટ કેસ બગાડી રહ્યા છે’, સાંસદ મનસુખ વસાવાના ગંભીર આક્ષેપ

AAP પર BJP સાંસદને ગંભીર આરોપ

સાંસદ આટલેથી ન અટક્યા અને વધુમાં ઉમેર્યું કે, 7 તારીખે દિલ્હીના મુખ્યમંત્રી અરવિંદ કેજરીવાલ અને પંજાબના મુખ્યમંત્રી ભગવંત માન ચૈતર વસાવાના સમર્થન માં આવી રહ્યા છે. ભરૂચ જિલ્લાના નેત્રંગ તાલુકામાં એક સભાનું આયોજન કરવામાં આવ્યું છે. AAP પાર્ટી ચૈતર વસાવાને સમર્થન આપવા નહીં પણ પોતાની પાર્ટીને ગુજરાતમાં ઉંચી કરવાના પ્રયત્નો કરી રહી છે.

તેમણે કહ્યું, અરવિંદ કેજરીવાલ, ભગવંત માન, ઇસુદાન ગઢવી કે વકીલ ગોપાલ ઇટાલિયાને ચૈતર વસાવા માટે કોઈ લાગણી નથી. આ લોકો ભાજપને અને ભાજપ સરકારને બદનામ કરવાના ઉદ્દેશથી આવી રહ્યા છે અને AAP પાર્ટીને મજબૂત કરવા આવી રહ્યા છે. ચૈતર વસાવાનો આખો કેસ કોર્ટ કેસ છે. AAP પાર્ટીને રાતો રાત સપનું આવ્યું કે ભરૂચ લોકસભા જીતી જઈશું પણ એ લોકો ભૂલે છે ભરૂચની લોકસભા બેઠક ભાજપ જ જીતવાનું છે. AAP પાર્ટીના નેતાઓ લોકોને હવા ભરવા અને લોકોને ખોટી વાતોમાં ભરમાવા માટે આવી રહ્યા છે.