‘અહીં દારૂ મળતો નથી, બાજુમાં મળે છે’, ગુજરાતમાં અહીં પાડોશીથી કંટાળી યુવકે ઘર બહાર બોર્ડ માર્યું

પાડોશીથી કંટાળી ઘર બહાર બોર્ડ મારવું પડ્યું
બનાસકાંઠાના પાલનપુરમાં દિલ્હી ગેટ વિસ્તારમાં રહેતા યુવકે પાડોશમાં વેચાતા દારૂથી કંટાળીને ઘરની બહાર જ બોર્ડ મારવું પડ્યું. આ બોર્ડમાં લખ્યું હતું, ‘અહીં દારૂ મળતો નથી, બાજુમાં મળે છે. અહીંયા કોઈએ આવવું નહીં.’ આ સાથે બોર્ડ નીચે બાજુના ઘરને બતાવતું તીર પણ દોરેલું છે. સોશિયલ મીડિયામાં બોર્ડની તસવીર વાઈરલ થતા પોલીસ દોડતી થઈ હતી. જે બાદ પોલીસે દારૂ વેચનારાને પકડીને પોલીસ સ્ટેશન લઈ ગઈ હતી.