Bhavnagar News: ભાવનગરમાં એક વ્યક્તિ પર કરાયો ઘાતકી હુમલો, પાઇપ વડે માર માર્યો

શું છે સમગ્ર મામલો?

સમગ્ર મામલો એવો છે કે, ભાવનગરમાં ઈસ્ત્રીકામ કરતાં મુન્નાભાઈ ચૌહાણ પર કોઈ વિધર્મી શખ્સે હનુમાન ચાલીસા વગાડતા હતા તે કારણે જીવલેણ હુમલો કરતાં તે વિસ્તારમાં ખળભળાટ મચી ગયો હતો. મુન્નાભાઈ ચૌહાણ કે જેની શહેરના કુંભારવાડા શીતળામાઁ મંદિર પાસે સિલાઈ મશીનની દુકાન આવેલ છે. તે દુકાનના સમયગાળા દરમિયાન હનુમાન ચાલીસા વગાડે છે તે કેટલાક વિધર્મીઓને પસંદ નથી અને તેમને ન વગાડવા માટે પણ અવારનવાર કહી ચુક્યા છે. આ અંગે તેમણે પોલીસ ફરિયાદ પણ કરી છે.

ત્યારબાદ આ અરાજકતા ફેલાવનારા લોકો જામીન પર છૂટી ગયા અને બહાર આવતા જ બપોરના સમયે કેટલાક શખ્સોએ પાઇપ વડે મુન્નાભાઈ ચૌહાણ નામના વ્યક્તિ પર હુમલો કરી દીધો હતો. આ જીવલેણ હુમલાના CCTV ફૂટેજ પણ મળી આવ્યા છે. દુકાનદાર વ્યક્તિને માથાના ભાગે ઈજા પહોંચતા સારવાર અર્થે હોસ્પિટલ ખાતે ખસેડવામાં આવ્યો છે. હાલ પોલીસે ઈજાગ્રસ્તની ફરિયાદ લઈને તપાસ હાથ ધરી છે.