સિંહો રોડ પર મળે તો આવું ન કરતા, Video પછી આ 10 યુવાનોના થશે કેવા હાલ?

ભાર્ગવી જોશી.જુનાગઢઃ જુનાગઢમાં અવારનવાર સિંહોની પજવણી થતી સામે આવતી હોય છે. ગુજરાતમાં અહીં એક માત્ર એશિયાટિક લાયન માનવ વસ્તી સાથે હળી મળી ચુક્યા હોય તેવું વાતાવરણ છે ત્યારે અહીં હિંસક પ્રાણી સિંહ સાથે લોકો ઘણી વખત પોતાના વટ પાડવામાં ન કરવાનું કરતા હોય છે. સ્વાભાવીક છે કે અત્યાર સુધી માણસ પર જંગલના રાજાના હુમલાની વાત મળતી નથી પરંતુ માણસ પ્રત્યે તેમનામાં રહેલી છાપ લાંબા ગાળે શું પરિણામ આપશે તે કાંઈ હાલ કહેવું મુશ્કેલ છે. જુનાગઢથી હાલમાં એક અહેવાલ સામે આવી રહ્યા છે કે કેટલાક યુવાનો દ્વારા કારના બોનેટ પર બેસીને સામેથી રસ્તા પર સિંહો જતા હોય તેમની પાછળ કાર જવા દેવાનો વીડિયો સોશ્યલ મીડિયા પર મુક્યા પછી તેમની તકલીફો વધી ગઈ છે. આ વીડિયો પછી વન વિભાગે તપાસના આદેશ આપ્યા છે.