સુરતમાં એક-બે નહીં પણ 150 વેપારીઓને ઠગી ગયો બિલ્ડરઃ કરોડોનો ચૂનો

સુરતઃ ઘણા બિલ્ડર પર સુરતમાં ઠગાઈના ગુનાઓ નોંધાઈ ચુક્યા છે ત્યારે વધુ એક બિલ્ડર ઠગાઈ કરીને કરોડો ચાંઉ કરી ગયાની વિગતો સામે આવી છે. એક રિપોર્ટ અનુસાર સુરત શહેરના પર્વત પાટિયા ખાતે વર્ષ 2015માં સ્વસ્તિક ટેક્સટાઈલ માર્કેટના નામે પ્રોજેક્ટ શરૂ થયો હતો. જોકે તેનું બાંધકામ શરૂ થયે 100થી વધારે ટેક્સટાઈલ વેપારીઓએ અહીં પોતાના નાણાં લગાવી દુકાનોનું બુકીંગ કર્યું હતું. જોકે માર્કેટનું કામ વર્ષ 2018 સુધી પુરુ થવાની બાંહેધરી પણ બિલ્ડર્સ દ્વારા વેપારીઓને અપાઈ હતી પણ હવે તો 2023નું અડધું વર્ષ પણ નજીક આવી ગયું ત્યાં હજુ સુધી બિલ્ડર્સ દ્વારા કામ પુરું કરાયું નથી. જેમાં 200 કરોડનું રોકાણ કરીને બેસેલા વેપારીઓના નાણાં પાછા આપવાની માગ કર્યા છતા રૂપિયા આપ્યા નથી.