ખેડાઃ માત્ર ત્રણ પોલીસ મથકમાં ઝડપાયેલા 83 લાખથી વધુના દારૂ પર ફર્યું પોલીસનું બુલડોઝર

હેતાલી શાહ.ખેડાઃ એક બાજુ ગુજરાતમાં દારૂબંધી છે, ત્યારે બીજી બાજુ લાખો રૂપિયાનો દારૂ ગુજરાતમાંથી ઝડપાઈ રહ્યો છે. ત્યારે ગુજરાતમાં દારૂબંધી અંગેના કાયદાના લીરે લીરા ઉડતા હોય તેવું લાગી રહ્યું છે. કારણ કે આજે ખેડા જિલ્લાના કપડવંજ ખાતે કપડવંજ તાલુકાના ત્રણ પોલીસ મથક વિસ્તારમાં ઝડપાયેલા રૂપીયા 83 લાખ ઉપરાંતના દારૂના જથ્થા પર પોલીસે બુલડોઝર ફેરવી દેતા તે વિસ્તારમાં દારૂની નદીઓ વહેતી હોય તેવા દ્રશ્યો જોવા મળ્યા હતા. ગાંધીના ગુજરાતમાં દારૂની નદીઓ વહેતા હોવાના દ્રશ્યો જોઈ સ્થાનીકો પણ આશ્ચર્યચકિત થયા હતા.