પ્રતાપ દૂધાત અને શિવા સોલંકી પર કિર્તીદાન ગઢવીએ કર્યો રૂપિયાનો વરસાદ, Video

શિવા સોલંકીના પુત્ર મીતના મૃત્યુની યાદમાં તેની પુણ્યતિથિએ એક ભજન કીર્તનનો કાર્યક્રમ યોજવામાં આવ્યો હતો. જેમાં નામી કલાકારોએ રમઝટ બોલાવી હતી. કલાકારો આયોજન અને માહોલ જોઈને એટલા ખુશ થઈ ગયા કે શિવા સોલંકી અને પ્રતાપ દૂધાત પર પૈસા વરસાવવા લાગ્યા. એ પણ એક બે બંડલ નહીં પણ કોઠીઓ ભરીને રૂપિયા લાવ્યા હોય તેમ કોઠીઓ ઊંઘી ઠાલવી આ નજારો જોઈ લોકો દંગ રહી ગયા હતા.

પ્રતાપ દૂધાત અને શિવા સોલંકી પર કિર્તીદાન ગઢવીએ કર્યો રૂપિયાનો વરસાદ#ShivaSolanki ના પુત્ર મીતના મૃત્યુની યાદમાં તેની પુણ્યતિથિએ એક ભજન કીર્તનનો કાર્યક્રમ યોજવામાં આવ્યો હતો. જેમાં કિર્તીદાન ગઢવીએ શિવા સોલંકી અને #PratapDudhat પર રૂપિયાનો વરસાદ કર્યો.#KirtidanGadhvi pic.twitter.com/oVNmBSl7kL

— Gujarat Tak (@GujaratTak) April 3, 2023

આ પણ વાંચો: અમદાવાદમાં વાયરલ ઇન્ફેક્શન અને કોરોનાનું સંક્રમણ વધ્યું, બાળકો માટે ખતરો

ભાજપ કોંગ્રેસ એક સ્ટેજ પર
આ સમગ્ર કાર્યક્રમ દરમિયાન બીજી વાત એ પણ ખાસ હતી કે એક જ સ્ટેજ ઉપર ભાજપ અને કોંગ્રેસના નેતા સાથે જોવા મળ્યા હતા. અમરેલી જિલ્લાની સાવરકુંડલા બેઠકનાના પૂર્વ ધારાસભ્ય પ્રતાપ દુધાત પણ ભાજપના નેતાના ભત્રીજા શીવા સોલંકી સાથે નજરે ચડ્યા હતા. જોકે કલાકારોએ આ બંને વ્યક્તિઓ પર મન મૂકીને પૈસા વરસાવ્યા. શિવા સોલંકી એટલે ગુજરાતના હાઈ પ્રોફાઈલ કેસ અમિત જેઠવા મર્ડર કેસનો મુખ્ય આરોપી છે. અને હાલ જામીન પર છૂટયા છે ત્યારે તેમના પુત્રની પુણ્યતિથિ પર ભવ્ય લોકડાયરાનું આયોજન કરવામાં આવ્યું હતું.