જૂનાગઢમાં ‘તથ્ય પટેલ’ની જેમ વધુ એક નબીરાનું કારસ્તાન, પિતાની કાર લઈને નીકળેલા યુવકે મહિલાને ફંગોળી

19 વર્ષના યુવકે મહિલાને અડફેટે લીધી

જૂનાગઢના જોષીપર વિસ્તારમાં આવેલા ગોપાલ નગરમાં સંગીતા રૂપારેલિયા નામના મહિલા અન્ય 3 મહિલાઓ સાથે ભજનમાંથી ઘરે પરત જઈ રહ્યા હતા. દરમિયાન જ ત્યાંથી કાર લઈને નીકળતા 19 વર્ષના વિવેક કડિવાર નામના યુવકે તેમને અડફેટે લીધા હતા અને બાદમાં કાર હંકારીને ત્યાંથી ફરાર થઈ ગયો હતો. અકસ્માતની આ સમગ્ર ઘટના સીસીટીવી કેમેરામાં કેદ થઈ ગઈ હતી. જે સામે આવ્યા બાદ પોલીસ હરકતમાં આવી હતી.

યુવક પાસે લાઈસન્સ ન હોવાનું સામે આવ્યું

ઘટનામાં સંગીતાબેનને પગમાં સામાન્ય ઈજા પહોંચી હતી, આથી તેમણે પોલીસ ફરિયાદ કરી નહોતી જોકે પોલીસ જ ઘટનામાં ફરિયાદી બની હતી અને કાર ચાલક વિવેક કડિવાર સામે ફરિયાદ નોંધાવી હતી. જે બાદ નાની શેરીઓમાં બેફામ કાર હંકારનારા યુવકની પોલીસે અટકાયત કરી હતી. પોલીસની પૂછપરછમાં યુવક પાસે લાઈસન્સ જ ન હોવાનું સામે આવ્યું હતું અને તે પિતાની કાર લઈને આંટો મારવા માટે નીકળ્યો હતો.

જૂનાગઢમાં પિતાની કાર લઈને નીકળેલો નબીરો હિટ એન્ડ રન કરીને ફરાર થઈ ગયો #Junagadh #Accident #GujaratiNews pic.twitter.com/7EUQ5Dv4Mq

— Gujarat Tak (@GujaratTak) July 30, 2023