लाइव

Budget 2024 LIVE: બજેટમાં નાણામંત્રીએ ટેક્સ સ્લેબને લઈને કરી મોટી જાહેરાત, રાહત મળી કે ટેન્શન વધ્યું?

Yogesh Gajjar

Budget 2024 Live News

Yogesh Gajjar

लाइव-ब्लॉग समाप्त हुया।

11:59 AM • 01 Feb 2023
Interim Budget 2024 Live Speech: આવકવેરાના સ્લેબમાં કોઈ ફેરફાર નહીં
નાણામંત્રી નિર્મલા સીતારમણે કહ્યું કે, ટેક્સ સ્લેબમાં કોઈ ફેરફાર કરવામાં આવ્યો નથી. હાલમાં આવકવેરા ભરનારાઓને કોઈ રાહત આપવામાં આવી નથી. 7 લાખ સુધીની આવક પર ટેક્સ લાગતો નથી. આવકવેરો ભરવાની પ્રક્રિયાને સરળ બનાવવામાં આવી છે. રિફંડ પણ ઝડપથી જારી કરવામાં આવે છે. GST કલેક્શન બમણું થયું છે. GST સાથે પરોક્ષ કર પ્રણાલીમાં ફેરફાર કરવામાં આવ્યો છે.
11:54 AM • 01 Feb 2023
વચગાળાનું બજેટ 2024 લાઈવ સ્પીચ: 10 વર્ષમાં ટેક્સ કલેક્શન ત્રણ ગણું વધ્યું
નાણામંત્રી નિર્મલા સીતારમણે કહ્યું કે, રાજકોષીય ખાધ 5.1 ટકા રહેવાનો અંદાજ છે. ખર્ચ રૂ. 44.90 કરોડ અને અંદાજિત આવક રૂ. 30 લાખ કરોડ છે. 10 વર્ષમાં આવકવેરાની વસૂલાત ત્રણ ગણી વધી છે. મેં ટેક્સ રેટમાં ઘટાડો કર્યો છે. 7 લાખની આવક ધરાવતા લોકોને કોઈ ટેક્સ ચૂકવવો પડશે નહીં. ટેક્સ સ્લેબના માળખામાં આ બજેટમાં કોઈ ફેરફાર કરવામાં આવ્યો નથી.
11:49 AM • 01 Feb 2023
Interim Budget 2024 Live Speech: ઈન્ફ્રાસ્ટ્રક્ચર પર 11 ટકા વધુ ખર્ચ કરશે
નાણામંત્રી નિર્મલા સીતારમણે કહ્યું કે, અમે બાયોફ્યુઅલ માટે સમર્પિત સ્કીમ લાવ્યા છીએ. જાહેર પરિવહન માટે ઈ-વાહનો ઉપલબ્ધ કરાવવામાં આવશે. રેલવે-દરિયાઈ માર્ગને જોડવા પર પણ ભાર મૂકવામાં આવશે. પ્રવાસન કેન્દ્રોના વિકાસને વેગ અપાશે. પ્રવાસન ક્ષેત્રે વિકાસ ઝડપી બની રહ્યો છે. રાજ્યોને વ્યાજમુક્ત લોન આપવામાં આવી રહી છે. ટીયર 2 અને ટીયર 3 શહેરોને હવાઈ માર્ગે જોડવામાં આવશે. લક્ષદ્વીપમાં નવા પ્રોજેક્ટ શરૂ થશે. પીએમ આવાસ યોજનામાં 70 ટકા ઘર મહિલાઓ માટે બનાવવામાં આવ્યા છે. પ્રવાસન ક્ષેત્રમાં વિદેશી રોકાણને પ્રોત્સાહન આપવામાં આવશે. 75 હજાર કરોડની લોન વ્યાજમુક્ત આપવામાં આવી છે. 2014 થી 2023 સુધી FDI પણ વધ્યું છે. સુધારા માટે 75 હજાર કરોડ રૂપિયાની જોગવાઈ કરવામાં આવી છે. સંપૂર્ણ બજેટ જુલાઈમાં આવશે. તેમાં વિકસિત ભારતનો રોડમેપ રજૂ કરવામાં આવશે. ઈન્ફ્રાસ્ટ્રક્ચરમાં 11 ટકા વધુ ખર્ચ કરવામાં આવશે. વસ્તી વધારા અંગે એક સમિતિની રચના કરવામાં આવી છે.
11:42 AM • 01 Feb 2023
Interim Budget 2024 Live Speech: ત્રણ નવા રેલ કોરિડોર શરૂ થશે
નાણામંત્રી નિર્મલા સીતારમણે કહ્યું કે, દરેકને પાક્કું ઘર આપવામાં આવશે. સ્કિલ ઈન્ડિયામાં 1.47 કરોડ યુવાનોને તાલીમ આપવામાં આવી છે. પીએમ મત્સ્ય સંપદા યોજનાનો વિસ્તાર કરવામાં આવશે. માછલીનું ઉત્પાદન બમણું થયું છે. પીએમ મોદીએ જય અનુસંધાનનો નારો આપ્યો છે. તેને સાકાર કરવા માટે પગલાં લેવામાં આવશે. છેલ્લા 4 વર્ષમાં આર્થિક વૃદ્ધિ ઝડપી બની છે. યુવા શક્તિ ટેકનોલોજી યોજના બનાવાશે. ત્રણ રેલ કોરિડોર શરૂ કરવામાં આવશે. પેસેન્જર ટ્રેનોના સંચાલનમાં સુધારો થશે. પીએમ ગતિ શક્તિ યોજના હેઠળ કામ ઝડપી કરવામાં આવશે. માલવાહક પ્રોજેક્ટ પણ વિકસાવવામાં આવશે. 40 હજાર સામાન્ય રેલ કોચને વંદે ભારતમાં રૂપાંતરિત કરવામાં આવશે. એરપોર્ટની સંખ્યામાં વધારો થયો છે. એવિએશન કંપનીઓ એક હજાર એરક્રાફ્ટનો ઓર્ડર આપીને આગળ વધી રહી છે.

11:36 AM • 01 Feb 2023
Interim Budget 2024 Live Speech: 1 કરોડ મહિલાઓને લખપતિ દીદી બનાવવામાં આવી
નાણામંત્રી નિર્મલા સીતારમણે કહ્યું, લખપતિ દીદીને પ્રમોટ કરવામાં આવશે. પગાર 2 કરોડથી વધારીને 3 કરોડ કરવાનો નિર્ણય લેવામાં આવ્યો છે. 9 કરોડ મહિલાઓના જીવનમાં પરિવર્તન આવ્યું છે. સ્વનિર્ભરતા લખપતિ દીદીમાંથી આવી છે. આંગણવાડીના કાર્યક્રમો ઝડપી કરવામાં આવશે. અત્યાર સુધી એક કરોડ મહિલાઓને લખપતિ દીદી બનાવવામાં આવી છે.
11:35 AM • 01 Feb 2023
Interim Budget 2024 Live Speech: દર મહિને 300 યુનિટ વીજળી મફત આપવામાં આવશે
નાણામંત્રી નિર્મલા સીતારમણે કહ્યું, સર્વાઇકલ કેન્સરને રોકવા માટે પ્રયાસો કરવામાં આવશે. આ માટે રસીકરણ કરાશે. ખેડૂતોની આવક વધારવાના પ્રયાસો કરવામાં આવશે. મિશન ઇન્દ્રધનુષમાં રસીકરણ વધારવામાં આવશે. નવી મેડિકલ કોલેજો ખોલવામાં આવશે. આ માટે કમિટી બનાવશે. 9 થી 14 વર્ષની કન્યાઓને વિનામૂલ્યે રસીકરણ કરવામાં આવશે. નેનો ડીએપીનો ઉપયોગ પાક પર કરવામાં આવશે. ડેરી વિકાસ ક્ષેત્રે સારું કામ થશે. ડેરી ખેડૂતોને પ્રોત્સાહન આપવામાં આવશે. 1361 મંડીઓને eName સાથે જોડવામાં આવશે. આગામી 5 વર્ષમાં વિકાસની નવી વ્યાખ્યા બનાવીશું. આશા બહેનોને પણ આયુષ્માન યોજનાનો લાભ આપવામાં આવશે. દર મહિને 300 યુનિટ વીજળી મફત આપવામાં આવશે.

11:30 AM • 01 Feb 2023
Interim Budget 2024 Live Speech: પ્રધાનમંત્રી આવાસ યોજના હેઠળ બે કરોડ વધુ મકાનો બનાવવામાં આવશે
નાણામંત્રી નિર્મલા સીતારમણે કહ્યું કે, દેશની અર્થવ્યવસ્થા સાચી દિશામાં છે. અમારી સરકારનું ધ્યાન પારદર્શક શાસન પર છે. નાણામંત્રીએ 20 મિનિટ સુધી કેન્દ્ર સરકારની યોજનાઓ ગણાવી અને ભારતના વિકાસની ગતિ અંગે ચર્ચા કરી. નિર્મલાએ કહ્યું કે, પ્રધાનમંત્રી આવાસ યોજના હેઠળ આગામી 5 વર્ષમાં ગ્રામીણ વિસ્તારોમાં વધુ બે કરોડ મકાનો બનાવવામાં આવશે.
11:21 AM • 01 Feb 2023
Interim Budget 2024 Live Speech: 2014માં દેશ પડકારોનો સામનો કરી રહ્યો હતો
નાણાપ્રધાન નિર્મલા સીતારમણે કહ્યું કે, વિકાસ કાર્યક્રમોએ રેકોર્ડ સમયમાં દરેક ઘર અને વ્યક્તિ માટે આવાસ, દરેક ઘર માટે પાણી, બધા માટે વીજળી, બધા માટે રાંધણ ગેસ અને બધા માટે બેંક ખાતા દ્વારા લક્ષ્યાંકિત કર્યા છે. અમારી સરકાર સર્વાંગી, સર્વસમાવેશક અને સર્વવ્યાપી વિકાસની દિશામાં કામ કરી રહી છે. આપણા યુવા દેશની આકાંક્ષાઓ ઊંચી છે, વર્તમાનમાં ગૌરવ અને ઉજ્જવળ ભવિષ્ય પ્રત્યે આશા અને વિશ્વાસ છે. છેલ્લા 10 વર્ષમાં ભારતીય અર્થતંત્રમાં અભૂતપૂર્વ પરિવર્તન આવ્યું છે. 2014માં દેશ ભારે પડકારોનો સામનો કરી રહ્યો હતો. સરકારે તે પડકારોનો સામનો કર્યો અને માળખાકીય સુધારા કર્યા.
11:18 AM • 01 Feb 2023
Budget 2024 Live: ખેડૂતો, મહિલાઓ અને યુવાનો પર ભાર
નાણામંત્રી નિર્મલા સીતારમણે કહ્યું, પીએમ જન ધન યોજના હેઠળ આદિવાસી સમુદાય સુધી પહોંચવાનું છે. ખાસ જનજાતીઓ માટે ખાસ સ્કીમ લઈને આવ્યા છે. ઈન્ફ્રાસ્ટ્રક્ચર વિકાસને વેગ મળ્યો છે. સરકારી યોજનાઓ લોકો સુધી પહોંચી રહી છે. સરકાર ગરીબી દૂર કરવા માટે કામ કરી રહી છે. સરકારે પડકારોનો હિંમતપૂર્વક સામનો કર્યો છે. ગ્રામીણ વિકાસ માટેની યોજનાઓ અમલમાં મુકવામાં આવી છે. પાણી યોજના દ્વારા દરેક ઘર સુધી પાણી પહોંચાડવામાં આવી રહ્યું છે. 78 લાખ સ્ટ્રીટ વેન્ડર્સને મદદ આપવામાં આવી છે. ખેડૂતોને સશક્ત બનાવવા પર ભાર મૂકવામાં આવ્યો છે. 4 કરોડ ખેડૂતોને PM પાક વીમા યોજનાનો લાભ આપવામાં આવ્યો છે. PM કિસાન યોજનાથી 11.8 કરોડ લોકોને આર્થિક મદદ મળી છે. સામાન્ય લોકોના જીવનમાં પરિવર્તન લાવવાના પ્રયાસો થઈ રહ્યા છે. યુવાનોના સશક્તિકરણ પર પણ કામ કરવામાં આવ્યું છે. ત્રણ હજાર નવી આઈટીઆઈ ખોલવામાં આવી છે. 54 લાખ યુવાનોને તાલીમ આપવામાં આવી છે. એશિયન ગેમ્સમાં ભારતીય યુવાનોએ સફળતા હાંસલ કરી છે. ટ્રિપલ તલાકને ગેરકાયદે જાહેર કરવામાં આવ્યા છે. સંસદમાં મહિલાઓને અનામત આપવા માટે કાયદો લાવવામાં આવ્યો છે.
11:10 AM • 01 Feb 2023
Budget 2024 Live: અમે ભ્રષ્ટાચાર નાબૂદ કર્યો
નાણામંત્રી નિર્મલા સીતારમણે કહ્યું કે, દરેક ઘર સુધી પાણી, બધાને વીજળી, ગેસ, નાણાકીય સેવાઓ અને બેંક ખાતા ખોલવા માટે કામ કરવામાં આવ્યું છે. ખાદ્યાન્નની ચિંતાઓ દૂર કરવામાં આવી છે. 80 કરોડ લોકોને મફત અનાજ આપવામાં આવ્યું છે. મૂળભૂત જરૂરિયાતો પૂરી થઈ છે, જેના કારણે ગ્રામીણ વિસ્તારોમાં લોકોની આવક વધી છે. ભારત 2047 સુધીમાં વિકસિત દેશ બની જશે. અમે લોકોને સશક્ત બનાવવા માટે કામ કરી રહ્યા છીએ. અમે ભ્રષ્ટાચાર અને ભત્રીજાવાદ ખતમ કર્યો છે.
11:07 AM • 01 Feb 2023
Budget 2024 Live: દેશમાં રોજગારીની મહત્તમ તકો મળવી જોઈએ
નાણામંત્રી નિર્મલા સીતારમણે બજેટ ભાષણ વાંચવાનું શરૂ કર્યું છે. નિર્મલાએ કહ્યું, દેશની જનતા ભવિષ્ય તરફ જોઈ રહી છે. તેઓ આશાવાદી છે. અમે પીએમ મોદીના નેતૃત્વમાં આગળ વધી રહ્યા છીએ. જ્યારે પીએમ મોદીએ 2014માં કામ શરૂ કર્યું ત્યારે ઘણા પડકારો હતા. લોકહિતમાં કામગીરી શરૂ કરવામાં આવી છે. લોકોને મહત્તમ રોજગારીની તકો આપવામાં આવી છે. દેશમાં એક નવો હેતુ અને આશા જાગી છે. જનતાએ અમને બીજી વખત સરકાર માટે ચૂંટ્યા. અમે સર્વગ્રાહી વિકાસની વાત કરી. દરેકનો સાથ, દરેકનો વિશ્વાસ અને દરેકનો પ્રયાસના મંત્ર સાથે આગળ વધો.
11:04 AM • 01 Feb 2023
Budget 2024 Live Updates: નાણામંત્રી નિર્મલા સીતારમણનું બજેટ ભાષણ શરૂ થયું
નાણામંત્રી નિર્મલા સીતારમણ સંસદમાં વચગાળાનું બજેટ રજૂ કરી રહ્યા છે. આ બજેટમાં ત્રણ મહિના માટે ખર્ચ કરવાની રકમનો હિસાબ છે. સંપૂર્ણ બજેટ સામાન્ય ચૂંટણી પછી આવશે. આ પહેલા વડાપ્રધાન નરેન્દ્ર મોદીએ કેબિનેટની બેઠકમાં કહ્યું હતું કે આ બજેટ દરેક માટે સારું રહેશે. જાણકારોનું કહેવું છે કે સામાન્ય ચૂંટણી થોડા મહિનામાં યોજાવાની છે. કૃષિ ક્ષેત્રની સ્થિતિ નબળી છે. તેને ધ્યાનમાં રાખીને કેટલાક મોટા પગલા લેવામાં આવી શકે છે. આમાં મનરેગા ફંડની ફાળવણીમાં વધારો કરવાનો પણ સમાવેશ થાય છે. પીએમ કિસાન સન્માન નિધિ પણ 6 હજાર રૂપિયાથી વધારીને 8 હજાર રૂપિયા કરવામાં આવી શકે છે. સ્ટાન્ડર્ડ ડિડક્શન પણ 1 લાખ રૂપિયા સુધી હોઈ શકે છે.
10:52 AM • 01 Feb 2023
Budget 2024 LIVE: રાષ્ટ્રપતિ દ્રૌપદી મુર્મુએ નિર્મલા સીતારમણનું મોં મીઠું કરાવ્યું
વચગાળાનું બજેટ 2024-25 રજૂ કરતા પહેલા, કેન્દ્રીય નાણા મંત્રી નિર્મલા સીતારમણે રાષ્ટ્રપતિ ભવનમાં રાષ્ટ્રપતિ દ્રૌપદી મુર્મુ સાથે રાજ્ય મંત્રી પંકજ ચૌધરી અને ભાગવત કિશનરાવ કરાડ અને નાણા મંત્રાલયના વરિષ્ઠ અધિકારીઓ સાથે મુલાકાત કરી. અહીં રાષ્ટ્રપતિએ નાણામંત્રીનું મોઢું મીઠુ કરાવ્યું અને શુભેચ્છાઓ પાઠવી.
10:34 AM • 01 Feb 2023
Budget 2024 LIVE: મોદી કેબિનેટે પણ બજેટને મંજૂરી આપી
રાષ્ટ્રપતિ દ્રૌપદી મુર્મુની મંજૂરી બાદ મોદી કેબિનેટે પણ બજેટને મંજૂરી આપી દીધી છે. નાણામંત્રી નિર્મલા સીતારમણ આજે સતત છઠ્ઠી વખત બજેટ રજૂ કરશે. ચૂંટણીનું વર્ષ છે, તેથી આ વચગાળાનું બજેટ છે. સંસદના બજેટ સત્રમાં નાણામંત્રીનું ભાષણ થોડી જ વારમાં શરૂ થશે.
10:06 AM • 01 Feb 2023
Budget 2024 LIVE: બજેટ થોડા સમયમાં મંજૂર કરવામાં આવશે
કેન્દ્રીય નાણામંત્રી નિર્મલા સીતારમણ સંસદમાં પહોંચ્યા છે. થોડા સમયમાં બજેટ પર મોદી સરકારની મંજૂરીની મહોર લાગી જશે. હાલમાં પીએમ મોદીની અધ્યક્ષતામાં કેબિનેટની બેઠક ચાલી રહી છે. લગભગ એક કલાક પછી એટલે કે સવારે 11 વાગે નાણામંત્રી નિર્મલા સીતારમણ સંસદમાં બજેટ ભાષણ આપશે.
10:01 AM • 01 Feb 2023
Budget 2024: નાણામંત્રીના બજેટ પર રહેશે સૌની નજર
વચગાળાના બજેટને લઈને તમામની નજર નાણામંત્રી સીતારમણ પર છે. ઘણી અપેક્ષાઓ કરવામાં આવી રહી છે. આમાંથી એક મોટી અપેક્ષા હાઈએસ્ટ ટેક્સ રેટ માટે આવક મર્યાદા રૂ.10 લાખથી વધારીને રૂ.20 લાખ અને ટેક્સ રેટ 30% થી ઘટાડીને 25% કરવાનો છે. મધ્યમ વર્ગના કરદાતાઓને આ ફેરફારોનો લાભ મળી શકે છે. હાલમાં મુક્તિ આપવામાં આવેલ માલસામાનને સમાવવા માટે GST નેટનું વિસ્તરણ અથવા પાલનને સરળ બનાવવા માટે GST સ્લેબનું સરળીકરણ થઈ શકે છે. અર્થશાસ્ત્રીઓનું કહેવું છે કે ખર્ચમાં વધારો થવાની આશા રાખશો નહીં.
10:01 AM • 01 Feb 2023
રાજ્યના 43 PSI અને 551 બિન હથિયારધારીની બદલી
રાજ્યના ગૃહ વિભાગ દ્વારા લોકસભાની ચૂંટણી પહેલા પોલીસબેડામાં મોટા ફેરફારો કરવામાં આવ્યા છે. અમદાવાદ, વડોદરા, સુરત, રાજકોટ સહિત રાજ્યમાં ગૃહ વિભાગે એકસાથે હથિયારધારી 43 PSI અને 551 બિન હથિયારધારી PSIની બદલીનો ઓર્ડર કર્યો છે. આ સાથે રાજ્યમાં 232 બિન હથિયારધારી PIની બદલીનો ઓર્ડર કર્યો છે.
10:01 AM • 01 Feb 2023
કચ્છમાં ઇન્કમટેક્સનું સુપર ઓપરેશન
ગાંધીધામમાં બે મોટા ગ્રુપ ઉપર ઇન્કમટેક્સની તવાઈ. ગાંધીધામના બે મોટા ઉદ્યોગપતિ બાબુભાઈ હુંબલ અને દિનેશ ગુપ્તાને ત્યાં ITના દરોડા પડ્યા હતા. શ્રીરામ સોલ્ટ અને કિરણ રોડલાઇન્સ સહિત 25 થી 26 જગ્યાએ દરોડા અને સર્વેની કામગીરી કરાઈ છે. દિનેશ ગુપ્તા ઉપરાંત મહેશ ગુપ્તા અને સુરેશ ગુપ્તાને ત્યાં પણ તપાસ હાથ ધરવામાં આવી છે. ઇન્કમટેક્સની તપાસના અંતે મોટાપાયે બેનામી વ્યવહારો મળી આવે તેવી સંભાવના છે.
10:01 AM • 01 Feb 2023
કચ્છમાં ફરી ભૂકંપનો આંચકો
કચ્છમાં આજે સવારે વધુ એક ભૂકંપનો આંચકો આવ્યો છે. સવારે 8.06 વાગ્યે 4ની તીવ્રતાનો ભૂકંપ આવ્યો હતો. ભૂકંપનું કેન્દ્ર ખાવડાથી 30 કિમી પૂર્વ ઉત્તર-પૂર્વમાં જોવા મળ્યું હતું. 3 દિવસ પહેલા પણ કચ્છમાં 4ની તીવ્રતાનો ભૂકંપ આવ્યો હતો. હજુ સુધી નુકસાનના સમાચાર નથી.
06:27 AM • 01 Feb 2024
Budget 2024 Live: બજેટની નકલો સંસદમાં પહોંચી
રક્ષા મંત્રી રાજનાથ સિંહ, કેન્દ્રીય મંત્રી હરદીપ સિંહ પુરી સંસદ પહોંચ્યા છે. તેઓ બજેટમાં ભાગ લેશે.આ પહેલા વચગાળાના બજેટની નકલો સંસદમાં આવી ચુકી છે. આ નકલો બંને ગૃહના સભ્યોને આપવામાં આવશે. નાણામંત્રી સવારે 11 વાગ્યાથી બજેટ ભાષણ આપશે.