અમદાવાદના અનેક વિસ્તારોમાં ધોધમાર વરસાદ, ચોમાસા જેવો માહોલ સર્જાયો

રાજ્યમાં ફરી કમોસમી વરસાદનો મારો શરૂ થયો છે. સૌરાષ્ટ્ર બાદ ઉથ્તર ગુજરાતના અનેક વિસ્તારોમાં વરસાદ વરસ્યો હતો. ઉત્તર ગુજરાતનાં મહેસાણા, પાટણ, બનાસકાંઠા અને સાબરકાંઠાના અનેક વિસ્તારોમાં વરસાદ વરસ્યો હતો. અમદાવાદ શહેરના પણ અનેક વિસ્તારોમાં વરસાદ નોંધાયો હતો. અમરેલીમાં તો અનેક નદીઓમાં પુર આવ્યા હતા. જેમાં એક ખટારો તણાયો હતો તેટલો વરસાદ પડ્યો હતો. અમરેલીના અનેક વિસ્તારોમાં તો 3 ઇંચ જેટલો વરસાદ ખાબક્યો હતો.

અમદાવાદના પશ્ચિમ વિસ્તારમાં મોટા ભાગના વિસ્તારોમાં વરસાદ પડ્યો હતો. માનસી ચારરસ્તા, વસ્ત્રાપુર, ભુયંગદેવ અને થલતેજ આસપાસનાં વિસ્તારોમાં વરસાદ પડ્યો હતો. આ લખાઇ રહ્યું છે ત્યાં સુધી પશ્ચિમ અમદાવાદના મોટા ભાગના વિસ્તારોમાં વરસાદ નોંધાયો છે. ભર ઉનાળે ચોમાસા જેવું વાતાવરણ સર્જાયું છે.