રામનવમીને લઈ હિંમતનગર પોલીસ સતર્ક, આ ખાસ એક્શન પ્લાન તૈયાર કરાયો

હિંમતનગરમાં ફરી એક વખત શોભાયાત્રાનું આયોજન થઈ રહ્યું છે. ત્યારે આ મામલે પોલીસ એક્શનમોડ પર જોવા મળી છે. હિંમતનગર જિલ્લા પોલીસ વડા દ્વારા શોભાયાત્રાના રૂટનું નિરીક્ષણ કરવામાં આવ્યું છે. શોભાયાત્રામાં કોઈ અઈચ્છનીય બનાવ ન બને તે માટે પોલીસે છાપરિયા વિસ્તારમાં 8થી વધુ CCTV કેમેરા લગાવ્યા છે.

રામનવમી અને રમઝાન પર્વને લઇ આણંદ જિલ્લા પોલીસ સતર્ક જોવા મળી છે. ગયા વર્ષે ખંભાતમાં રામજી ની રથયાત્રામાં પથ્થરમારો થયા બાદ આ વર્ષે પોલીસ તંત્ર પહેલેથી જ સતર્ક જોવા મળી છે. જેના ભાગરૂપે બોરસદ અને ખંભાત શહેરમાં પોલીસ અધિક્ષક પ્રવિણ મિણાની ઉપસ્થિતમાં ફ્લેગ માર્ચ યોજાવામાં આવી હતી. અને શાંતિ સમિતિની બેઠક યોજવામાં આવી હતી.

ફ્લેગમાર્ચ યોજાઇ
રામનવમી પર વિવિધ ધાર્મિક કાર્યક્રમોનું આયોજન થઈ રહ્યું છે. આ દરમિયાન સાબરકાંઠા જિલ્લામાં રામનવમી ઉજવણી પ્રસંગે હિંમતનગર, પ્રાંતિજ, પોશીના, ઇડર, ખેડબ્રહ્મા, ઇડરમાં શોભાયાત્રાનું આયોજન કરવામાં આવ્યુ છે. એસઆરપીના જવાનો, સ્થાનિક પોલીસ દ્વારા ફ્લેગમાર્ચ યોજાઇ હતી. હિંમતનગર શહેરના મહાવીરનગર, છાપરીયા, રામજી મંદીર વિસ્તાર, મહેતાપુરા તેમજ ટાવર ચોક સહિતના વિવિધ વિસ્તારોમાંથી ફ્લેગમાર્ચ યોજાઇ હતી.