ગોધરાઃ 3 આરોપીઓને લઈને જતા હતા 6 પોલીસ જવાનો, પોલીસવાન પલટી ગઈ

બાઈક ચાલક વચ્ચે આવતા પોલીસ વાનને થયો અકસ્માત
ગોધરાના ફતેપુરા પાસે આજે સોમવારે પોલીસ વાનનો અકસ્માત થયો હતો. ત્રણ આરોપીઓને ઝાલોદથી ફતેપુરા લઈ જઈ રહેલી વાનનો ફતેપુરા નજીકના વલૂંટા ખાતે અકસ્માત થયો હતો. રસ્તામાં જ્યારે વાન જતી હતી ત્યારે એક બાઈક સવાર વચ્ચે આવી જતા પોલીસ વાનના ચાલકે સ્ટિયરિંગ પરથી કાબુ ગુમાવી દેતા અકસ્માત સર્જાયો હતો અને તેમાં વાન પલટી ખાઈ ગઈ હતી. અકસ્માતમાં પોલીસ જવાનો અને આરોપીઓ પણ આ ઘટનામાં ઈજાગ્રસ્ત થયા હતા. કુલ 9 વ્યક્તિ ઈજાગ્રસ્ત થયા હતા. તેમની મદદ માટે પણ ઘણા આવી ગયા હતા. બનાવને પગલે ઈજાગ્રસ્તોને સારવાર માટે હોસ્પિટલ ખસેડવામાં આવ્યા હતા. પોલીસે સારવાર માટે તેમને ખસેડ્યા પછી વધુ કાર્યવાહી હાથ ધરી હતી.

ઝાલોદ થી ફતેપુરાતરફ જઈ રહેલી પોલીસ વાન ફતેપુરા નજીક વલૂંડી ખાતે એક બાઈક સવારને બચાવવા જતાં પોલીસ વાનના ચાલકે સ્ટિયરિંગ ઉપરનો કાબૂ ગુમાવતાં વાન પલ્ટી મારી ગઈ હતી જેમાં સવાર ત્રણ આરોપીઓ તેમજ 6 પોલીસ જવાનો ઇજાગ્રસ્ત. #GujaratPolice #Accident pic.twitter.com/gBpOQdpVvv

— Gujarat Tak (@GujaratTak) December 12, 2022

(વીથ ઈનપુટઃ શાર્દુલ ગજ્જર, ગોધરા)