Gujarat Rain Live Updates: છેલ્લા 24 કલાકમાં 110 તાલુકામાં મેઘમહેર, અમદાવાદ, અરવલ્લી, બોટાદમાં સવારથી વરસાદ

10:39 AM • 29 Jul 2024

મહેસાણામાં પણ વરસાદી માહોલ

મહેસાણા સહિત જિલ્લાભરમાં વરસાદ વરસ્યો છે. મહેસાણા - અમદાવાદ હાઇવે ઉપર વરસાદના કારણે પાણી ભરાતા ટ્રાફિકજામના દ્રશ્યો સર્જાયા હતા. મહેસાણાના હિરાનગર, ગોપીનાળા અને ભમ્મરીયાનાળા વિસ્તારોમાં પાણી ભરાતા નાળું બંધ કરાયું હતું. લાંઘણજ ગામમાં બે ઇંચ વરસાદ વરસ્યો તો વિજાપુરમાં અતિશય વરસાદના કારણે રોડ ઉપર નદી વહેતી હોય તેવા દ્રશ્યો સર્જાયા હતા. કડીમાં પણ સવારથી શરૂ થયેલા વરસાદના કારણે નીચાણવાળા ભાગોમાં તેમજ ગરનાળામાં પાણી ભરાયા હતા.

10:21 AM • 29 Jul 2024

અરવલ્લી જિલ્લામાં પણ એલર્ટ વચ્ચે ધોધમાર વરસાદ

અરવલ્લી જિલ્લામાં આજે યેલો એલર્ટ વચ્ચે ધોધમાર વરસાદ શરૂ થયો હતો. મોડાસા સહિત ગ્રામ્ય વિસ્તારોમાં ભારે વરસાદથી ચાર રસ્તા, હંગામી બસ સ્ટેશન,અને SBI બેન્ક આગળ પાણી ભરાયા હતા.

10:04 AM • 29 Jul 2024

બોટાદ શહેરમાં ધીમીધારે વરસાદ

બોટાદ શહેર અને જિલ્લાના ગ્રામ્ય વિસ્તારોમાં વહેલી સવારથી ધીમીધારે વરસાદ શરૂ થયો હતો. બોટાદ શહેરનાં જ્યોતિગ્રામ સર્કલ, નાગલપર દરવાજા, પાળીયાદ રોડ, ભાવનગર રોડ, ગઢડા રોડ સહિત વિસ્તારમાં ધીમીધારે વરસાદ તો ગઢડા શહેરમાં પણ સવારથી વરસાદ શરૂ થયો હતો. જિલ્લામાં સારો વરસાદ થાય તેવી ખેડૂતો રાહ જોઈ રહ્યા છે.

10:03 AM • 29 Jul 2024

અમદાવાદમાં વરસાદી માહોલ

અમદાવાદ શહેરમાં વિરામ બાદ ફરી એકવાર વરસાદી માહોલ છવાયો છે. અમદાવાદના પૂર્વ અને પશ્ચિમના વિવિધ વિસ્તારોમાં વહેલી સવારથી વરસાદ શરૂ થયો હતો. વરસાદના પગલે અનેક વિસ્તારોમાં પાણી ભરાવાના શરૂ થયા હતા તો નોકરીએ જતા લોકોને હાલાકી પડી હતી.

09:59 AM • 29 Jul 2024

છેલ્લા 24 કલાકમાં ક્યાં-ક્યાં વરસાદ?

છેલ્લા 24 કલાકમાં રાજ્યના 116 તાલુકામાં વરસાદ નોંધાયો છે. જેમાં નડિયાદમાં 4.65 ઈંચ. ખેડાના વાસો, દહોદ તથા સંતરામપુરમાં સાડા ત્રણ ઈંચ જેટલો વરસાદ નોંધાયો હતો. તો મહુધામાં 2.87 ઈંચ, ઝાલોદમાં 2.71 ઈંચ વરસાદ નોંધાયો હતો.

Gujarat Rain Live Updates: છેલ્લા 24 કલાકમાં 110 તાલુકામાં મેઘમહેર, અમદાવાદ, અરવલ્લી, બોટાદમાં સવારથી વરસાદ

Yogesh Gajjar

Yogesh Gajjar