પાર્ટીમાં જતા સંતાનોના માવતર સાવધાનઃ અમદાવાદમાં પકડાયું પાર્ટી ડ્રગ મેફેડ્રોન, પોલીસે પેડલરને પણ દબોચ્યો

કેવી રીતે ઝડપાયો
અમદાવાદ SOGની ટીમ સતત છેલ્લા ઘણા સમયથી નશીલા પદાર્થો પર ચાંપતી નજર બનાવીને બેઠી છે. છેલ્લા ઘણા સમયથી ઘણા એવા નશાના જથ્થાઓ SOG બ્રાન્ચ દ્વારા ઝડપી પાડવામાં આવ્યા છે. અમદાવાદ SOG દ્વારા 22.60 ગ્રામનો પાર્ટી ડ્રગ્સ એટલે કે મેફેડ્રોનનો જથ્થો ઝડપી પાડ્યો છે. 2.26 લાખની કિંમત ધરાવતા આ ડ્રગ્સના જથ્થા સાથે પોલીસે સરખેજ રહેતા 45 વર્ષના ફિરોજખાન પઠાણને ઝડપી પાડ્યો છે. આ મામલે SOGના ASI અબ્દુલ મહોમદભાઈ, PSI એ ડી પરમાર, HC સમીર ઝહીરુદ્દીન, PC કેતનકુમાર વિનુભાઈ, ગીરીશભાઈ જેસંગભાઈ, જયપાલસિંહ અજીતસિંહ, નિકુંજકુમાર જયકિશન અને મનોજસિંહ મુકુંદસિંહ મળી આખી ટીમને જાણકારી મળી કે અમદાવાદના વેજલપુર વિસ્તારમાં એક શખ્સ પાસે ડ્રગ્સનો જથ્થો છે. આ આખી ટીમ તુરંત એક્શન લઈ વેજલપુર મંસુરપાર્ક નાકે આવેલી રોયલ અકબર રેસીડેન્સી સામેને સર્વિસ રોડ પર વોચ ગોઠવી દીધી. પ્રાપ્ત માહિતી અનુસારનો વ્યક્તિ ત્યાં જોવા મળતા પોલીસે તેને અટકાવ્યો હતો. જ્યાં પોલીસે તેની પાસેથી 22.60 ગ્રામ મેફેડ્રોન જેની માર્કેટ વેલ્યૂ 2.56 લાખ થાય છે તે સાથે તેની પાસેથી મળેલી અન્ય વસ્તુઓ મળી કુલ રૂપિયા 2,57,700નો મુદ્દામાલ જપ્ત કર્યો હતો. પોલીસે તેની સામે ગુનો દાખલ કરી કાર્યવાહી હાથ ધરી છે.

અમદાવાદ SOG દ્વારા 22.600 ગ્રામનો પાર્ટી ડ્રગ્સ એટલે કે મેફેડ્રોનનો જથ્થો ઝડપી પાડ્યો છે. 2.26 લાખની કિંમત ધરાવતા આ ડ્રગ્સના જથ્થા સાથે પોલીસે સરખેજ રહેતા 45 વર્ષના ફિરોજખાન પઠાણને ઝડપી પાડ્યો છે.#Ahmedabad #SOG #GujaratPolice pic.twitter.com/Q6IIu5TrGv

— Gujarat Tak (@GujaratTak) December 26, 2022

પોતાનો ડ્રગ્સનો ખર્ચો કાઢવા વેચતો હતો મેફેડ્રોનઃ DCP જયરાજસિંહ
DCP જયરાજસિંહ વાળા કહે છે કે, SOGની ટીમને મળેલી માહિતી પ્રમાણે અમે વોચમાં હતા ત્યારે ફિરોજખાન નામના માણસ પાસેથી ડ્રગ્સનો જથ્થો મળી આવ્યો હતો. 2 લાખની મત્તા મળી આવી છે તેની પાસે છે. તેની સામે એનડીપીએસ એક્ટ અંતર્ગત કાર્યવાહી કરવામાં આવી રહી છે. આ આરોપીનો કોઈ ગુનાહિત ઈતિહાસ નથી. આરોપી પોતે ડ્રગ્સ લેતો હતો જેથી તે તેનો ખર્ચો કાઢવા માટે તે પોતાના ચાર પાંચ સંપર્કમાં આવેલાઓને જ આપતો હતો. જેના મળતા પૈસાથી તે પોતાનો ખર્ચો કાઢતો હતો.

(વીથ ઈનપુટઃ ગોપી મણિયાર, અમદાવાદ)

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…