ગોધરાઃ ડીજેમાં ડાન્સ કરવો ભારે પડ્યો, આવી રીતે છંછેડાઈ મધ માખીઓ અને પછી જાનૈયાઓની આવી બની

ધનુર ઈન્જેક્શન આપ્યા
દાહોદમાં ગરબાડાના પાંદડી ખાતે જાનૈયાઓમાં ડીજે પર નાચવું ભારે પડી ગયું હતું. ડીજે ના વાઇબ્રેશનને કારણે મધપૂડો છંછેડાયો હતો અને મધમાખીઓ ઉડી હતી. જે લોકો વરઘોડામાં ડાન્સ કરતા હતા તેઓની ઉપર મધમાખી હુમલો કર્યો હતો. 20 જેટલા જાનૈયાને મધમાખી ડંખ માર્યા હતા. આ લોકોને સારવાર માટે દાહોદની ઝાયડસ હોસ્પિટલ ખાતે ખસેડવામાં આવ્યા હતા. મધમાખીઓનો હુમલો એટલો ભયંકર હતો કે જે લોકોને ડંખ પાક્યા હતા તે લોકોએ બૂમાબૂમ કરી દીધી હતી. જે લોકોને સામાન્ય ડંખ વાગ્યા હતા તે કાઢ્યા બાદ ધનુર ઈન્જેક્શન આપી રજા આપી હતી પરંતુ 6 જેટલા જાનૈયાઓ ગંભીર હોવાની વાત આવી છે.

(વીથ ઈનપુટઃ શાર્દુલ ગજ્જર, ગોધરા)