બનાસકાંઠાઃ ‘ભણાવવાનું કે ખાલી દારુ પીવાનો’- સાહેબ બોલ્યા ‘દારૂ જ પીવાનોને’- નશામાં ધૂત શિક્ષકનો Video વાયરલ

શિક્ષકને સસ્પેન્ડ કરવાની માગ ઉઠી
દાંતા તાલુકાના જોધસર ગામની પ્રાથમિક શાળાના શિક્ષકનો ચિક્કાર દારુ પીધેલી હાલતનો વીડિયો વાયરલ થયો છે. નશામાં ધૂત થઈને આ શિક્ષક શાળામાં બાળકોને ભણાવવા આવે છે. બાળકો આવા શિક્ષક પાસેથી શું સારું શીખી શકે તેનો અંદાજ અહીં આવી જાય છે. અંતરિયાળ આદિવાસી વિસ્તારમાં પ્રાથમિક શાળાઓમાં આવા શિક્ષકોને કારણે શિક્ષણની હાલત કથળેલી છે. નેતાઓ ચૂંટણી ટાણે ભલે આદિવાસી, ગરીબ, પીડિત, શોષિતોની વાત કરતા હોય પરંતુ આવા સમયે તેમની વાતો ફરી સાંભળીએ તો કાનામાં કાંટાની જેમ વાગે છે. આ વીડિયો વાયરલ થયા પછી શિક્ષકને સસ્પેન્ડ કરવાની માગ ઉઠી છે. દાંતાના તાલુકા અધિકારી આવતીકાલે જોધસર શાળાની મુલાકાત પણ લેવાના છે. આ અગાઉ વગદા ક્યારે શાળા પણ આવા જ વિવાદમાં આવી ચુકી છે.

દાંતા તાલુકાના જોધસર ગામના પ્રાથમિક શાળાના શિક્ષકનો દારૂ પીધેલી હાલતનો #VideoViral #Gujarat #education #GujaratTak pic.twitter.com/wUrQTHz9hO

— Gujarat Tak (@GujaratTak) December 22, 2022

(વીથ ઈનપુટઃ શક્તિસિંહ રાજપૂત, અંબાજી)