રખડતા ઢોરની સમસ્યા ઉકેલવા સરકારે આ ઉપાય શોધ્યો, મોરબીથી કરી શરૂઆત, હવે મોટા શહેરોમાં થશે અમલ

ફરતા પશુ દવાખાનાની સંખ્યા વધારાશે
રાજ્યમાં હાલ 460 જેટલા હરતા ફરતા પશુ દવાખાના કાર્યરત છે. ગામે ગામ પશુઓની સારવાર વધુ સુલભ બનાવવા વધુ 127 ફરતા પશુ દવાનાખા પણ શરૂ કરાશે. રાહદારીઓને ઢોરોના કારણે થતા અકસ્માતના બનાવોને અટકાવવા માટે સરકાર દ્વારા આ ખસીકરણનો નિર્ણય લેવાયો હોવાનું કૃષિ અને પશુપાલન મંત્રી રાઘવજી પટેલે જણાવ્યું હતું. આ સાથે જ તેમણે મોરબીથી શરૂ થયેલા આ ખસીકરણ ઝુંબેશને વ્યાપક અને સફળ બનાવવા ગૌશાળાઓ, સંસ્થાઓ અને નાગરિકોને સહયોગ આપવા અપીલ કરી હતી.

ખસીકરણ માટે રૂ.50 લાખનું બજેટ ફાળવ્યું
નોંધનીય છે કે રાજ્ય સરકારના આંકડા મુજબ હાલ ગુજરાતમાં કુલ 50 હજાર જેટલા આખલા છે. તેમના ખસીકરણ માટે સરકારે પ્રાથમિક ધોરણે રૂ.50 લાખનું બજેટ ફાળવ્યું છે. ઉપરાંત રાજ્યની તમામ આઠ મહાનગર પાલિકાઓ તથા જિલ્લા પંચાયતોમાં પણ આખલાના ખસીકરણની કામગીરી આગામી સમયમાં શરૂ કરવામાં આવી શકે છે.