ગુજરાત પોલીસની આબરૂના ધજાગરા, લૂંટારૂઓએ PSI ને ઇજાગ્રસ્ત કર્યા

લોહીયાળ ફાયરિંગ PSI ને ગોળીઓ ધરબી દીધી
પોલીસ પહોંચી જતા બંન્ને વચ્ચે લોહિયાળ અથડામણ થઈ હતી. સામ સામે થયેલા ફાયરિંગમાં SOG ના PSI ડી.બી.ખેર ઘાયલ થયા હતા. જેથી કરીને ઘાયલ પોલીસને સારવાર અર્થે હોસ્પિટલમાં દાખલ કરવામાં આવ્યા હતા. રાજકોટમાં લૂંટારું અને પોલીસ વચ્ચે થયેલ ફાયરિંગની ઘટના બનતા શહેરમાં સનસનાટી મચી ગઈ હતી. ઉચ્ચ અધિકારીઓનો કાફલો ઘટના સ્થળે પહોંચી ગયો હતો. ફરાર આરોપીને પકડવા પોલીસે ચક્રો ગતિમાન કર્યા હતા.

પોલીસ હવે ગુજરાતમાં નામ માત્ર
અત્રે ઉલ્લેખનીય છે કે, ગુજરાતમાં કાયદો અનેવ્યવસ્થાની સ્થિતિ પર પહેલાથી જ સવાલો ઉઠી રહ્યા છે. સુરતમાં કાયદાના રોજેરોજ લીરા ઉડતા હોય છે. તેવામાં હવે અસામાજિક તત્વો કેટલા બેખોફ થઇ ચુક્યાં છે તે આ ઘટના આંખ ઉઘાડે છે. ગુજરાતમાં હવે અસામાજિક તત્વોને પોલીસનો કોઇ જ ખોફ રહ્યો નથી. નાગરિકો તો ઠીક પરંતુ પોલીસ પણ સામે આવી જાય તો તેને પણ ગોળીઓ ધરબી દેતા તેઓ જરા પણ વિચારતા નથી ત્યારે સામાન્ય નાગરિકોનું શું થશે તે તો જોવું રહ્યું.