ભાવનગર ડમી ઉમેદવાર કાંડ મામલે SIT ની રચના, તપાસનો ધમધમાટ શરૂ

તપાસમાં 36 આરોપીમાંથી 33 આરોપી ભાવનગર જિલ્લાના વતની હોવાનું સામે આવ્યું છે. આ ઉપરાંત ભાવનગરના મિલન બારૈયાએ ડમી ઉમેદવાર બનીને 2 વખત પરીક્ષા આપી હોવાનું પણ સામે આવ્યું છે. સાથે જ ડમી ઉમેદવારો મોટાભાગના એક જ જ્ઞાતિના હોવાનું પણ સામે આવ્યું છે. તપાસમાં સામે આવ્યું છે કે, ડમી ઉમેદવારોએ ચોક્કસ જ્ઞાતિના લોકોને સરકારી નોકરી અપાવવા પ્રયાસ કર્યો હતો.

11 વર્ષથી ચાલતું હતું કૌભાંડ?
છેલ્લા 11 વર્ષથી ડમી ઉમેદવારો પરીક્ષા હતા. ભાવનગરમાં ડમી ઉમેદવારોમાં મુખ્ય 3 સૂત્રધાર છે. શરદ પનોત, પી.કે દવે, બલદેવ રાઠોડ મુખ્ય આરોપી છે. આ ત્રણેય આરોપી ભરતી પરીક્ષામાં કૌભાંડ આચરતા હતા. તેઓ આરોપી ઉમેદવાર પાસેથી 10 લાખ સુધીના રૂપિયા લેતા હતા. શરદ પનોત અને પી.કે દવે ઉમેદવારો પાસેથી એડવાન્સમાં 50 હજાર રૂપિયા લેતા હતા. જેમાંથી પરીક્ષા પાસ કરાનારા ડમી ઉમેદવારને 25 હજાર રૂપિયા આપવામાં આવતા હતા. ઉમેદવારો પાસેથી મોટી રકમ લઈ આરોપી ડમી ઉમેદવારો પાસે પરીક્ષા અપાવતા હતા.

તપાસનો ધમધમાટ શરૂ
ભાવનગર ડમી કાંડ ઉમેદવારોનાં મામલામાં પોલીસ તપાસ તેજ બની છે. ગઈકાલે પોલીસે સત્તાવાર રીતે 4 લોકોની ધડપકડ કર્યા બાદ બાકી રહેલા 32 લોકોની શોધખોળ શરૂ કરી છે. ભાવનગર જિલ્લાના તળાજા, સિહોર તાલુકામાં રહેઠાણ ધરાવતા આ 32 આરોપીઓનાં ઘરે પહોંચવા બની સજ્જ થઈ છે. ભાવનગર પોલીસે 4 ટીમો બનાવી જુદાજુદા વિસ્તારમાં આરોપીઓ ઝડપી પાડવા અભિયાન હાથ ધર્યું છે. પોલીસે ઝડપવાનાં બાકી રહેલા આરોપીઓનાં કોલ ડિટેલ્સ માટે ટેક્નિલ ટીમની મદદ લીધી છે.

આ પણ વાંચો: સોમનાથના તમિલ પરિવારોએ નવા વર્ષની ઉજવણી ગરબાના તાલે કરી, જોવા મળ્યો અનોખો સંગમ

SIT ની રચના કરવામાં આવી
ભાવનગરમાં ડમી ઉમેદવારો કાંડ મામલે SP દ્વારા SIT ની  રચના કરવામાં આવી છે. આ SIT ની ટીમમાં સુપર વિઝન અધિકારી તરીકે ડીવાયએસપી આર.આર સીંઘલ તથા એસઓજીના પીઆઇ એસ.બી ભરવાડ સહિત 25 થી વધુ પોલીસ કર્મીઓ જોડાયા છે.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…