લ્યો બોલો…. વન વિભાગના કર્મચારી જ ખાસ મહેમાનો માટે કરે છે લાયન શો, જુઓ Video

અમરેલી જિલ્લામાં અનેક વખત લાયન શો અને સિંહોની પજવણી ચર્ચાનો વિષય બન્યું છે. અનેક વખત વન વિભાગ પર સવાલો ઉઠી ચૂક્યા છે. ત્યારે બીજી તરફ વનવીભાગના કર્મચારી જ લાયન શો કરતાં સામે આવ્યા છે.ગાંધીનગરથી આવેલા મહેમાનો માટે વનવિભાગના ટ્રેકર અને ગાર્ડ દ્વારા લાયન શો કરવામાં આવ્યું છે. સિંહ જોવા આવેલી ગાંધીનગર પાસિંગની કાર GJ 18 BG 4924 નંબર ની કાર અને બાઈક મોબાઈલમાં કેદ થયા હતા. ત્યારે આ સમગ્ર ઘટનાનો વિડીયો વાયરલ થતા વન વિભાગની પોલ ખૂલી છે.

જુઓ વિડીયો : 

સિંહોના આ વિસ્તારમાં વનવિભાગ દ્વારા લાઈન શો થતા હોવાની ચર્ચાઓ ઉઠી છે. ત્યારે બીજી તરફ ખુલ્લેઆમ વનવિભાગ કર્મીઓ દ્વારા થતા લાયન શોનો વિડીયો સામે આવ્યો છે. શેત્રુજી ડિવિઝનના DCF દ્વારા વનવિભાગના કર્મીઓને લાઈન શો કરવાની પરવાનગી આપી ? તેવા સવાલો ઊઠયા છે. સિંહ પજવણી સામે અન્ય સામે કાયદાનો દંડો ઉગામતુ વનવિભાગ કર્મીઓ સામે પગલાં ભરે તેવી સિંહપ્રેમીઓએ માંગ કરી છે. ત્યારે આ સમગ્ર ઘટનાને લઈને DCF જયંત પટેલ દ્વારા વાયરલ વીડિયોને આધારે તપાસ કરવાની ખાત્રી આપવામાં આવી છે.

(વિથ ઈનપુટ: હિરેન રવૈયા, અમરેલી )