જામનગરમાં જળબંબાકાર, શહેરના અનેક વિસ્તારો તળાવમાં ફેરવાયા

જામનગર શહેરમાં શનિવારે વહેલી સવારથી ધોધમાર વરસાદ શરૂ થઈ ગયો હતો, અને અવિરત વરસાદ ચાલુ રહેવાના કારણે જ્યાં દેખો ત્યાં જળ જેવી સ્થિતિ થઈ છે, અને ઠેર ઠેર પાણી ભરાયા છે. ખાસ કરીને જામનગરના લાલ બંગલા સર્કલ સંકુલમાં સંપૂર્ણપણે તળાવ જેવી સ્થિતિ છે. આ સાથે જ જિલ્લા હોમગાર્ડ કચેરીનું ગ્રાઉન્ડ તળાવ બન્યું છે. જ્યારે બાજુમાં જ આવેલી ગવર્મેન્ટ કોલોની કે જ્યાં પણ પાણી ફરી વળતા તળાવ જેવી સ્થિતિ છે. જામનગરનું ઐતિહાસિક અજીતસિંહ ક્રિકેટ મેદાન પણ તળાવ બની ગયું છે.

ઘુંટણસમા પાણી ભરાયા
જામનગર શહેરમાં સતત બીજા દિવસે ધોધમાર વરસાદ પડી રહ્યો છે. ધોધમાર વરસાદના પગલે જુના જયશ્રી સિનેમા નજીક પાણી ભરાયા છે. બેડી ગેટ, પંચેશ્વર ટાવર સહિત શહેરના અનેક વિસ્તારોમાં ઘુંટણસમા પાણી ભરાયા છે. પાણી ભરાતા લોકોને હાલાકી પડી રહી છે. લોકોના ઘરમાં પાણી ભરાયા છે. ત્યારે હજુ વરસાદને પગલે લોકો ચિંતામાં મુકાયા છે. શહેરનો નવોદિત વિસ્તાર લગભગ પાણીમાં ડૂબી ગયો છે. શહેરના સત્યનારાયણ મંદિર પાસેની જર્જરિત દિવાલ વરસાદમાં ધરાશાયી થઈ ગઈ છે. શહેરના તમામ ડેમ ઓવરફ્લો થઈ ગયા છે.

અધિકારીઓ ઘટના સ્થળે
જામનગરમાં છેલ્લા 5 કલાકથી સતત વરસાદ પડી રહ્યો છે. વરસાદ બાદ જામનગરના હરિદ્વાર પાર્ક, એસબીઆઈ ગુલાબનગર પાછળ, હરિદ્વાર સોસાયટી, મોહન નગર, નારાયણ નગરના તમામ ઘરોમાં 4 થી 5 ફૂટ વરસાદી પાણી ભરાઈ ગયા છે. આ ઘરો જોઈને ખબર નથી પડતી કે ઘરમાં પાણી છે કે ઘરમાં પાણી છે. બીજી તરફ આ નીચાણવાળા વિસ્તારોમાં પાણીની સમસ્યાના નિરાકરણ માટે મહાનગરપાલિકાના ઉચ્ચ અધિકારીઓ ઘટનાસ્થળે પહોંચી ગયા છે અને પાણીનો ભરાવો થતો હોય તેવી દિવાલ તોડી પાડવાની કામગીરી ચાલી રહી છે.