શિક્ષણમંત્રી કુબેર ડિંડોરની ભાષણ દરમિયાન જીભ લપસી, દ્રૌપદી મુર્મૂને ‘વડાપ્રધાન’ બનાવી દીધા

વિગતો મુજબ, છોટાઉદેપુર જિલ્લાના એક કાર્યક્રમમાં શિક્ષણમંત્રી કુબેર ડિંડોર હાજર રહ્યા હતા. જ્યાં પોતાના ભાષણ દરમિયાન તેમણે આદિવાસી સમાજની પ્રગતિની વાત કરી હતી. જ્યારે તેઓ રાષ્ટ્રપતિ દ્રૌપદી મુર્મૂ વિશે બોલી રહ્યા હતા ત્યારે તેમની જીભ લપસી હતી અને તેઓ બોલી ગયા કે, ‘આપણી પાર્ટીએ ઘણું બધું આપ્યું છે. આઝાદીના ઇતિહાસમાં પહેલી વાત 75 વર્ષમાં પ્રથમ વખત રાષ્ટ્રપતિ પદ પણ, આપણા ઓરિસ્સાના દ્રૌપદી મુર્મૂ આપણા દેશના વડાપ્રધાન બન્યા છે. આ નાની મોટી સિદ્ધિ નથી.’