ધીરેન્દ્ર શાસ્ત્રીનો કાર્યક્રમ રદ્દ, કલાકાર કિંજલ દવે અને હિંદુ મહાસભાના સંતો અને ભક્તો રવાના

ઓગણજમાં બાબા બાગેશ્વરના કાર્યક્રમમાં કિંજલ દવે, હિંદુ મહાસભાના સંતો સહિતના અનેક આગેવાનો કાર્યક્રમમાં હાજર હતા. દરમિયાન ઓગણજમાં ભારે પવન સાથે વરસાદે તોફાની બેટિંગ શરૂ કરી હતી. હિંદુ અગ્રણીઓ કાર્યક્રમને રદ્દ કરીને કાર્યક્રમ છોડીને રવાના થયા હતા. અત્રે ઉલ્લેખનીય છે કે, આજનો કાર્યક્રમ કેન્સલ કરવામાં આવ્યો હતો. જો કે આવતીકાલે દરબારનું આયોજન થશે કે કેમ તે અંગે પણ સવાલ છે. આવતીકાલે આ આયોજન અંગે આયોજકો દ્વારા સત્તાવાર કોઇ ફોડ પાડવામાં આવ્યો નથી. આ વરસાદી વિઘ્ન ન આવે તે માટે 29 મે નો કાર્યક્રમ રાબેતા મુજબ આયોજીત થશે.

આજે સાંજે 6.30 વાગ્યે વાતાવરણમાં અચાનક પલટો આવ્યો હતો. અમદાવાદમાં વરસાદી માહોલ વચ્ચે શહેરના સેટેલાઇટ, એસજીહાઇવે, સરખેજ, વસ્ત્રાપુર, સીજી રોડ, બોપલ, ઘુમા, બોડકદેવ, ઇસનપુર, શાહપુર, જશોદાનગર, હાટકેશ્વર, બોપલ, ઘાટલોડિયા, ચાંદલોડિયા, ચાંદખેડા, વાડજ, અખબારનગર, આરટીઓ સર્કલ, વસ્ત્રાલ, અમદાવાદ શહેર, મણિનગર, રાયપુરમાં ધોધમાર વરસાદ પડ્યો હતો. માર્ગો પર નદીઓ વહેતી થઇ હતી. શહેરના મોટા ભાગના વિસ્તારોમાં ઝાડ પડવાની ઘટનાઓ સામે આવી હતી. આ ઉપરાંત શહેરના લગભગ તમામ વિસ્તારોમાં પાણી ભરાયા હતા અને તેના કારણે ભારે ટ્રાફીકજામ પણ સર્જાયો હતો.