સ્કોર્પિયોની ટક્કરે પરિવારને વિખેર્યો, બાળકનું મોત, પિતાનો પગ કપાયો, માતા બેશુદ્ધ

ઘટના અંગે વિગતે મળતી માહિતી અનુસાર પુરપાટ ઝડપે જઇ રહેલી સ્કોર્પિયો કાર રોંગ સાઇડમાં ધસમસતી રીતે આવી રહી હતી. જ્યારે બાઇક પર દંપત્તી પોતાનાં 11 વર્ષના દીકરા સાથે દંપત્તી સાથે આવી રહ્યું હતું. આ કાર ચાલક બેફામ રીતે આવીને બાઇકને જોરદાર ટક્કર મારી હતી. બાઇકમાં બેઠેલા બાળક સહિત તેના માતા-પિતા હવામા ફંગોળાયા હતા. ગંભીર ઇજાગ્રસ્ત હાલતમાં તમામ લોકોને સારવાર માટે ખસેડવામાં આવ્યા હતા.

અકસ્માત એટલો ગંભીર હતો કે, બાઇક ચાલકનો પગ કપાઇ ગયો હતો. જ્યારે પાછળ બેઠેલી પત્નીને માથાના ભાગે ઇજા થતા તે બેભાન થઇ ગઇ હતી. જ્યારે બાળકને પણ બેશુદ્ધ અવસ્થામાં હોસ્પિટલ લઇ જવાયા હતા. હાલ તો સ્કોર્પિયો કાર દ્વારા અકસ્માત સર્જનાર વિરુદ્ધ પોલીસે ગુનો નોંધીને તપાસ આદરી છે. રાજકોટની હોસ્પિટલમાં દંપત્તીની સારવાર ચાલી રહી છે. બંન્ને પોતાના બાળકના મોતથી અજાણ હતા. આ ગાડી ચાલકની એક ભુલના કારણે આખા પરિવારનો માળો વિખેરાઇ ગયો છે.