ડાકોરમાં તંત્રના પ્રિમોનશુન પ્લાન પર પાણીઃ રણછોડરાયના પગથીયા સુધી પાણી ભરાયું

વરસાદી પાણીના નીકાલના દરેક નાળા પુરાયા
મહત્વની વાત તો એ છે કે, ડાકોરમાં વરસાદી પાણી નીકળવાના દરેક નાળા પુરી દેવાયા છે. જ્યાં નાળા પુરી દેવામાં આવ્યા છે, તે વિસ્તારોમાં પાઇપો નાખવામાં આવી છે, અને તે હલકી કક્ષાની તેમજ સાંકડી નાખી હોવાનો આક્ષેપ સ્થાનીકો દ્વારા કરાયો છે. જેને લઈને ડાકોરવાસીઓ સહિત દૂર દૂરથી ડાકોરના ઠાકોરના દર્શનાર્થે આવતા ભક્તોને પણ મુશ્કેલીઓ વેઠવાનો વારો આવે છે .

નગર પાલિકામા પ્રીમોન્સુનની કામગીરી માટે લાખો રૂપિયાની ગ્રાન્ટ સરકાર દ્વારા મોકલાતી હોય છે. પરંતુ આ ગ્રાન્ટનો ડાકોરમાં હજીય કોઈ સદુપયોગ ન થતો હોય તેવા દ્રશ્યો જોવા મળી રહ્યા છે. આજે વરસેલા વરસાદમા ડાકોરના રણછોડજી મંદિર બહારનો વિસ્તાર, ગોપાલ પુરા વિસ્તાર, પુરુષોત્તમ ભુવન તેમજ ગાંધીજીના બાવલાથી બોડાણાના સર્કલ સુધીના વિસ્તારમાં વરસાદી પાણી ભરાઇ જતા તે વિસ્તારોમાં પણ બેટ જેવી સ્થિતિ જોવા મળી. આ તો માત્ર પોણા બે ઈંચ વરસાદમા ડાકોરમાં આવી સ્થિતી જોવા મળી છે. જો આખો દિવસ આવો વરસાદ વરસે તો ડાકોરમાં પુરની સ્થિતીનું નિર્માણ થાય તેવી સ્થિતિ ઊભી થઈ છે.