Corona Update: રાજ્યમાં કોરોનાથી રાહત, રિકવરી રેટ 98.89 ટકાએ પહોંચ્યો

રાજ્યમાં કોરોનાના કેસને ધ્યાને રાખીને રાજ્યમાં વેકસીનેશન પર પણ ભાર મૂકવામાં આવી રહ્યો છે. છેલ્લા 24 કલાકમા 3 લાખથી વધુ વેક્સિનના ડોઝ આપવમાં આવ્યા છે. રાજ્યમાં છેલ્લા 24 કલાકમાં 3,09,112 વેક્સિનના ડોઝ આપવામાં આવ્યા છે. રાજ્યમાં એક્ટિવ કેસમાં ઘટાડો થયો છે. હાલ રાજ્યમાં 3000 જેટલા એક્ટિવ કેસ છે. રાજ્યમાં 3012 એક્ટિવ કેસ છે. વેન્ટિલેટર પર રહેનાર દર્દીઓની સંખ્યામાં ઘટાડો થયો છે. રાજ્યમાં આજે 17 દર્દી વેન્ટિલેટર પર છે જ્યારે ગઈકાલે 23 દર્દીઓ વેન્ટીલેટર પર હતા. 2995 દર્દીઓ સ્ટેબલ છે. રાજ્યમાં કોરોનાથી કુલ 10996 દર્દીઓના મૃત્યુ થયા છે. આ સાથે જ અત્યાર સુધીમાં કુલ 1252910 લોકો ડિસ્ચાર્જ થયા છે.

રાજ્યમાં રાહત
રાજ્યમાં કોરોનાનો રિકવરી રેટ 98.89 ટકા છે જ્યારે છેલ્લા 24 કલાકમાં 2,09,112 પ્રિકોશન ડોઝ 18 થી 59 વર્ષ સુધીના લોકો માટે આપવામાં આવ્યા છે. આ સાથે જ 12,06,05,607 વેક્સિનના કુલ ડોઝ ગુજરાતમાં આપવામાં આવ્યા છે. રાજ્યમાં અરવલ્લી, ભાવનગર, બોટાદ, છોટાઉદેપુર, ડાંગ, ગિરસોમનાથ, જૂનાગઢ કો., તાપી અને નર્મદામાં કોઈ પણ કોરોનાનો કેસ નોંધાયો નથી.