કોરોનાએ ફરી વધારી ચિંતા, 13 રાજ્યોમાં મળી આવ્યું કોરોનાનું નવું વેરિઅન્ટ XBB.1.16.1

કોરોનાના વધતા જતા કેસોની વચ્ચે એક ભયાનક બાબત એ પણ સામે આવી છે કે ઓમિક્રોનના સબ-વેરિઅન્ટ XBB.1.16માં મ્યુટેશન થયું છે. હવે બીજું નવું સબ-વેરિઅન્ટ XBB.1.16.1 સામે આવ્યું છે.  ભારતમાં કોરોના કેસોના જીનોમ સિક્વન્સિંગ માટે INSACOG છે. તેમાં કહેવામાં આવ્યું છે કે પરિવર્તિત સબ-વેરિયન્ટ XBB.1.16.1 ના 234 કેસ નોંધાયા છે.INSACOG અનુસાર, દિલ્હી, ગુજરાત અને હરિયાણા સહિત 13 રાજ્યોમાં આ નવા સબ-વેરિઅન્ટના કેસ નોંધાયા છે.

જાણો કેટલો ખતરો છે આ વેરિયન્ટથી 
એવા કોઈ પુરાવા નથી કે XBB.1.16.1 વધુ ગંભીર રોગોનું કારણ બની શકે છે કે નહીં. ગયા વર્ષે, ઓમિક્રોનનું સબ-વેરિયન્ટ XBB બહાર આવ્યું હતું. જેમાં મ્યુટેશનના કારણે XBB.1.16 અને XBB.1.16.1 બહાર આવ્યા છે. ભારતમાં જ ઓમિક્રોનના 400 થી વધુ સબ-વેરિઅન્ટ્સ સામે આવ્યા છે. તેમાંથી 90 ટકા XBB છે.

શું વધુ એક લહેર આવી રહી છે ?
જ્યારે ફરી એકવાર કોરોનાના કેસ વધવા લાગ્યા છે, ત્યારે આશંકા પણ વધી ગઈ છે કે શું ફરી કોઈ નવી લહેર આવવાની છે? જો કે આ અંગે હાલ કંઈ કહી શકાય તેમ નથી. તબીબી નિષ્ણાતોનું કહેવું છે કે અત્યારે ગભરાવાની જરૂર નથી. તેમનું માનવું છે કે કેસ વધી રહ્યા હોવા છતાં મૃત્યુઆંક અને હોસ્પિટલમાં દાખલ દર્દીઓની સંખ્યામાં વધારો થઈ રહ્યો નથી.

આ પણ વાંચો: ભારતમાં કોરોનાના કેસોમાં 38%નો ઉછાળો, 24 કલાકમાં 7,830 કેસ નોંધાયા

વેક્સિન લીધી હોવા છતાં થઈ શકો છો સંક્રમિત
આ વેરિયન્ટ ગંભીર નથી તો તેનો અર્થ એ નથી કે બેદરકાર રહેવું જોઈએ. દિલ્હી સ્થિત સર ગંગારામ હોસ્પિટલના વરિષ્ઠ બાળરોગ ચિકિત્સક ડૉ. ધીરેન ગુપ્તાએ ન્યૂઝ એજન્સીને જણાવ્યું કે XBB.1.16 સબ-વેરિઅન્ટનો ચેપ ઝડપથી ફેલાઈ રહ્યો છે. તેમણે કહ્યું કે આ સબ-વેરિઅન્ટ રોગપ્રતિકારક શક્તિને ડેમેજ કરવા સક્ષમ છે. ડો. ગુપ્તાના જણાવ્યા અનુસાર, જો તમને પહેલા કોવિડનો ચેપ લાગ્યો હોય અથવા રસી આપવામાં આવી હોય, તો પણ તમે આ પેટા વેરિઅન્ટથી સંક્રમિત થઈ શકો છો. તેણે જણાવ્યું કે છેલ્લા કેટલાક અઠવાડિયાથી ભારતમાં કોરોનાના કેસમાં જબરદસ્ત ઉછાળો જોવા મળી રહ્યો છે અને તેનું કારણ XBB.1.16 છે. આ પેટા વેરિઅન્ટને કારણે 12 વર્ષથી ઓછી ઉંમરના બાળકોમાં પણ ચેપના કેસ વધી રહ્યા છે.

તમારા વ્હોટ્સએપ પર વધારે સમાચારો અને બ્રેકિંગ ન્યૂઝ મેળવવા માટે ક્લિક કરો…