ધીરેન્દ્ર શાસ્ત્રી મુદ્દે કોંગ્રેસ ભાજપ આમને-સામને, 2024ની ચૂંટણીને લઈને થઈ રહ્યાં છે આવા ખેલ?

સતત ચર્ચામાં રહેતા બાગેશ્વર ધામ સરકાર ધીરેન્દ્ર શાસ્ત્રી સુરત, અમદાવાદ અને રાજકોટમાં ત્રણ દિવ્ય દરબાર યોજવા જઇ રહ્યા છે. આ દરમિયાન આ દરબારને લઈ રાજ્યમાં વિવાદ શરૂ થઈ ચૂક્યો છે. પહેલા લોકો દ્વારા ચેલેન્જ ફેકવામાં આવી હતી. ત્યાર બાદ હવે વિવાદને રાજકીય રંગ લાગ્યો છે. આજે યજ્ઞેશ દવેએ ટ્વિટ કરી મનીષ દોશીને સવાલ કર્યા છે. તેમણે કહ્યું કે હવે હિન્દુઓએ પણ તેમના કાર્યક્રમો કરવા માટે મનીષ દોશીની પરવાનગી લેવી પડશે? વ્યક્તિ જે પણ ધર્મમાં માનતો હોય, તે તે ધર્મનો કાર્યક્રમ પણ ગોઠવી શકે છે અને તેમાં ભાગ લઈ શકે છે, પછી તેનું જીવન રાજકીય હોય કે ન હોય. ગુજરાતમાં આજે ક્યાં છે ચૂંટણી? દોશીજી, આપણે પણ જાણીએ છીએ કે આ ડર 2024નો છે?

अब हिंदूको अपने कार्यक्रम करनेके लिएभी मनीष दोशीकी इजाजत लेनी पड़ेगी?
व्यक्ति जोभी धर्ममें मानता हो उस धर्म के कार्यक्रम का आयोजन भी कर सकता है और उसमें जाभी सकता है चाहे उसका जीवन राजनीतिक हो या ना हो
आज कहा गुजरात में चुनाव है?
दोशीजी हमें भी पता है की यह डर 2024 का है?

— Dr.Yagnesh Dave (@YagneshDaveBJP) May 19, 2023

મનીષ દોશીએ જાણો શું કહ્યું હતું
કોંગ્રેસ પ્રવક્તા મનીષ દોશીએ ભાજપ પર પ્રહાર કરતાં કહ્યું હતું કે, મોંઘવારી, બેરોજગારી, આર્થિક ડામાડોળ સ્થિતિ સહિત જનતાના મૂળ મુદ્દાઓ ઉકેલવામાં સદંતર નિષ્ફળ નીવડેલ ભાજપા ચૂંટણી જીતવા માટેની રણનિતીના ભાગરૂપે વધુ એક વખત “બાબા” ને આગળ કરીને જનતાનું ધ્યાન ભટકાવવાના કાર્યક્રમો શરૂ થઈ રહ્યાં છે. 2014ની લોકસભા ચૂંટણી પહેલા અન્ન હજારે, બાબા રામદેવ સહિતના આંદોલનો કરીને દેશમાં ભાજપાએ સત્તા મેળવી.2019માં લોકસભાની ચૂંટણી પહેલા બાબા રામદેવ, શ્રીશ્રી રવિશંકર સહિતના બાબાઓના માધ્યમથી ભાજપા એ સત્તા મેળવી