CM ભૂપેન્દ્ર પટેલને Amazone પરથી ભેટમાં આવ્યા 2 કિલો ટામેટા

અમદાવાદઃ ગરીબો અને મધ્યમવર્ગની પહોંચ બહાર નીકળી ગયેલા 156 રૂપિયે કિલો મળતા ટામેટા ગુજરાતના મુખ્યમંત્રીને એમેઝોન દ્વારા ભેટ મોકલવામાં આવ્યા છે. ઓનલાઈન શાકભાજી ભેટ મોકલવામાં મુખ્યમંત્રીને આ રીતે કોઈએ ભેટ મોકલી હોય તેવું પહેલીવાર જ જોવા મળ્યું છે, ખાસ કરીને ગુજરાતમાં. જોકે અહીં આપને જણાવી દઈએ કે આ ભેટ મુખ્યમંત્રીને કોંગ્રેસ તરફથી મળી છે. કોંગ્રેસ દ્વારા ઓનલાઈન પેમેન્ટ કરીને મુખ્યમંત્રી સુધી આ ટામેટા પહોંચાડવામાં આવ્યા છે. જોકે રાજકીય મેદાનમાં જોવા જઈએ તો આ કોઈ ભેટ નહીં પણ મોંઘવારીના પ્રશ્નને લઈને કોંગ્રેસે આ રીતે પણ સરકારના કાન આમળ્યા કહી શકાય.