BREAKING: ગુજરાતમાં AAP અને કોંગ્રેસ ગઠબંધનમાં લડશે લોકસભા ચૂંટણી, ઈસુદાન ગઢવીની જાહેરાત

અમદાવાદ: ગુજરાતમાં લોકસભાની ચૂંટણીને હવે થોડા જ મહિનાનો સમય બાકી રહ્યો છે. આ વચ્ચે AAP ગુજરાત અને કોંગ્રેસને લઈને મહત્વની માહિતી સામે આવી રહી છે. જે મુજબ આમ આદમી પાર્ટી અને ગુજરાત કોંગ્રેસ સાથે મળીને લોકસભાની ચૂંટણી લડશે. બંને પાર્ટી I.N.D.I.A ગઠબંધન હેઠળ ચૂંટણી લડશે. AAPના નેતા ઈસુદાન ગઢવીએ કહ્યું કે, તે ગુજરાતમાં કોંગ્રેસ સાથે ગઠબંધન કરશે. આ સાથે જ ઈસુદાન ગઢવીએ ભાજપમાં થયેલા પત્રિકા કાંડ વચ્ચે નેતાઓના રાજીનામા મામલે પણ તપાસ કરવાની માંગણી કરી છે.