વિધાનસભા ચૂંટણીમાં ભાજપે પાટીદારોને 50થી વધારે ટિકિટ આપવી પડશે: ઉમિયાધામ પ્રમુખ

મુખ્યમંત્રીના કાર્યક્રમમાં પાટીદાર અગ્રણીએ કરી માંગ
સિદસર ઉમિયાધામના પ્રમુખ જેરામભાઇ વાંસજાળિયાએ ધ્રોલમાં મુખ્યમંત્રીના કાર્યક્રમમાં હાજર રહ્યા હતા. જો કે તેમણે માંગ કરી કે, આગામી વિધાનસભાની ચૂંટણીમાં ભાજપે પાટીદાર સમાજને 50 થી વધારે ટિકિટ આપવી જોઇએ. લોકશાહીમાં દરેકને માંગવાની ઓફર છે. ગઇ ચૂંટણીમાં ભાજપે 50 સીટ આપી હતી. આ વખતે પણ એટલી અથવા તેનાથી વધારે આપશે તેવી અમને અપેક્ષા છે.

પાટીદાર યુવાનોને સમાજે મદદ કરી હવે સરકારનો વારો
આ ઉપરાંત પાટીદાર અનામત આંદોલન સમયે જે યુવાનોનાં મૃત્યુ થયા છે તેમના પરિવારના એક વ્યક્તિને નોકરી આપવી જોઇએ. પાટીદાર સમાજની 6 મોટી સંસ્થાઓ છે. જેના દ્વારા પાટીદાર આંદોલન સમયે શહીદ થયેલા 14 યુવાનોને 20-20 લાખ રૂપિયાની સહાય આપવામાં આવી છે. જો કે હવે સરકાર પણ પોતાની ફરજ નિભાવે અને સરકારી નોકરી આપે.