‘સ્વામિનારાયણ સંસ્થા, પૈસા ભેગા કરવાની સંસ્થા છે’, વિવાદ પર BJP MLAનું નિવેદન સામે આવ્યું

ભાજપના ધારાસભ્યએ જાહેર મંચ પરથી આપ્યું નિવેદન

કાલોલના ભાજપના ધારાસભ્ય ફતેસિંહ ચૌહાણનું જાહેર મંચ પર આપેલું નિવેદન સામે આવી રહ્યું છે. પોતાના મતવિસ્તારના કાર્યક્રમમાં તેઓ સ્ટેજ પરથી તેમણે કહ્યું, એના મંદિરમાં કોઈ દાડો જય નહીં બોલવાનું. હું એકવાર સોખડા ગયો હતો અને સત્સંગમાં મેં કીધું હતું, તમે સદગુરુને માનો છો, એક જણો કે ના. કેમ? જેને જેને સદગુરનો દોષ લાગ્યો હોય તે ધરતી પર રહ્યા નથી. અને આ સંપ્રદાય કોઈ જ્ઞાનનો અખાડો નથી. સ્વામિનારાયણ સંસ્થા છે, પૈસા ભેગા કરવાની સંસ્થા છે.

સ્વામિનારાયણ સંપ્રદાય અને સનાતન ધર્મના વિવાદમાં પહેલીવાર ભાજપ ધારાસભ્યનું નિવેદન સામે આવ્યું. કાલોલના ધારાસભ્ય ફતેસિંહ ચૌહાણે સ્વામિનારાયણ સંપ્રદાય સામે ટિપ્પણી કરી.#Swaminarayan #MLAFatehsinhChauhan #GujaratiNews pic.twitter.com/BUJ9OQPBKF

— Gujarat Tak (@GujaratTak) September 11, 2023

ધારાસભ્ય આગળ કહે છે, કોઈ ધર્મનું જ્ઞાન નથી. એટલા બધા વ્યાભિચારી સંત રોજ સમાચારમાં આવે છે, અનેક મંદિરોમાં ઝઘડા ચાલે છે. આપણે દેવી-દેવતાઓના નામ પર તેનો સંપ્રદાય ચલાવે છે. વિગતો મુજબ, આ કાર્યક્રમ ગત સપ્તાહે યોજાયો હતો. જેમાં તેમણે આ પ્રકારનું નિવેદન આપ્યું હતું જે હવે વાઈરલ થઈ રહ્યું છે.