ભાવનગરમાં જર્જરિત મેડિકલ કોલેજ ગમે ત્યારે ધરાશાયી થઈ શકે, 1200 વિદ્યાર્થીઓના જીવને જોખમ

સરકારી મેડિકલ કોલેજની આ બિલ્ડિંગને ખાનગી અને સરકારી એજન્સીઓએ બે વર્ષ પહેલા જ જોખમી હોવાનું જાહેર કરી દીધું છે અને તેનો વપરાશ ન કરવા કહેવાયું છે. જોકે કોલેજ પાસે વૈકલ્પિક વ્યવસ્થા ન હોવાથી અંડર ગ્રેજ્યુએટ અને પોસ્ટ ગ્રેજ્યુએટના 1250 જેટલા વિદ્યાર્થીઓ, તબીબી શિક્ષકો જીવના જોખમે અભ્યાસ કરી રહ્યા છે.

સરકારી મેડિકલ કોલેજની 5 માળની બિલ્ડિંગમાં જ્યાં જુઓ ત્યાં મોટી મોટી તિરાડો દેખાય છે. છત પરથી પોપડા ખરી રહ્યા છે અને સળિયા પણ બહાર આવી ગયા છે. આટલું મોટું જોખમ સ્પષ્ટ દેખાતું હોવા છતાં પણ કોલેજ દ્વારા અન્ય કોઈ વ્યવસ્થા કરવામાં આવી રહી નથી. ત્યારે સવાલ એ થાય છે કે, જો બિલ્ડિંગમાં કોઈ જીવલેણ દુર્ઘટના બની તો જવાબદાર કોણ?