ભાવનગરમાં EDએ ધામા નાખ્યાઃ એક બેન્ક કર્મચારીની પુછપરછ, પીપરડીમાં પણ કાર્યવાહી

એસ ટી તંત્ર પર ફરી ઉઠયા સવાલો, ડ્રાઈવરની બેદરકારીનો વીડિયો થયો વાયરલ

EDએ વહેલી સવારથી જ ઉંઘ ઉડાવી દીધી
ભાવનગરમાં આજે વહેલી સવારથી જ ઈડી વિભાગની એન્ટ્રી થતા ઘણા કાળા કામો કરનારાઓની ઉંઘ ઉડી ગઈ હતી. ઈડી વિભાગ દ્વારા અહીં વિવિધ વિસાતારોમાં દરોડાની કાર્યવાહી હાથ ધરવામાં આવી હતી. દરોડાની કાર્યવાહી ઉપરાંત પ્રાપ્ત વિગતો અનુસાર શહેરના વાઘાવાડી રોડ પર આવેી એક ખાનગી બેન્કના કર્મચારીને પણ ઈડીએ તપાસના કામ અર્થે ઉઠાવ્યો હતો. આ કર્મચારી સાથે પુછપરછ પણ કરવામાં આવી હોવાનું જાણવા મળી રહ્યું છે. આ સાથે જ શહેરના કાળિયાબીડ વિસ્તારમાં પણ ઈડી વિભાગની ટીમ તપાસ માટે પહોંચી હતી.

પીપરડી ગામમાં પણ જીએસટી કૌભાંડની તપાસ
ઉપરાંત પીપરડી ગામમાં પણ ઈડીએ તપાસનો ધમધમાટ શરૂ કર્યો હતો. પાલીતાણાના પીપરડી ગામે ઈડીએ ધામા નાખ્યા હતા. અહીં કરોડોના જીએસટી કૌભાંડનો રેલો આવી પહોંચ્યો હતો. જેમાં ઈડી દ્વારા અહીં રાજુ નામના શખ્સના ત્યાં તપાસ આરંભવામાં આવી હતી. ભાવનગર શહેરમાં થતા કરોડોના જીએસટી કૌભાંડો પર ઈડીએ હવે મોટી કાર્યવાહી હાથ ધરી છે.