અકસ્માતનો LIVE વીડિયો: બનાસકાંઠામાં દૂધ ભરવા જતા દાદા-પૌત્રને બેકાબૂ કારે ફંગોળ્યા, બંનેનું કરુણ મોત

અમીગરઢના રામજીયાણી પાટિયા પાસે દાદા અને બે પૌત્ર દૂધ ભરાવા ઘરેથી નીકળ્યા હતા. દરમિયાન પાલનપુર-આબુરોડ નેશનલ હાઈવે પર રસ્તો ક્રોસ કરવા સાઈડમાં ઊભા હતા. આ જ સમયે રાજસ્થાન તરફથી પૂરઝડપે આવતી કારે દાદા અને બે પૌત્રને અટફેટે લઈને હવામાં ફંગોળી દીધા હતા. જેમાં દાદા-પૌત્રનું કરુણ મોત નિપજ્યું તો એક બાળકની હાલત ગંભીર છે અને તેને સારવાર માટે હોસ્પિટલ ખસેડવામાં આવ્યો છે.

પળવારમાં દાદા-પૌત્રનું સાથે મોત નિપજતા પરિવાર પર આભ તૂટી પડ્યું હતું. તો બનાવને પગલે આજુબાજુમાંથી લોકો દોડી આવ્યા હતા અને પોલીસને પણ જાણ કરી હતી. પોલીસે ઘટનાસ્થળ પર પહોંચીને આ મામલે વધુ તપાસ હાથ ધરી છે.

અમીરગઢમાં દાદા-પૌત્રને કારે હવામાં ઉડાડ્યા, બંનેના મોત નિપજ્યા #Banaskantha #Accident pic.twitter.com/u005NE3HFs

— Gujarat Tak (@GujaratTak) August 16, 2023